د کوز جنوبي وزیرستان په وانا کړيکوټ سيمه کښې نامعلومو کسانو د ملک جمیل وزیر دوه ځامن په ډزو وژلي شويدي،ځائي سرچینو مطابق دواړه قتل شوي کسان وانا بازار نه کورته روان وو چې په لاره کښې نامعلومو وسله والو په نښه کړيدي
په جنوبي وزیرستان لوئر وانا کښې نامعلومه کسانو د نامتو قومي مشر ملک جمیل وزیر نور دوه ځامن قتل شوي دي ۔
وژل شوي کسان د وانا بازار نه کورته روان وو چې په لار کښې نامعلومو وسله والو په نښۀ کړي او ډزې ئې پرې کړي دي ۔
په دې نه وړاندې هم د ملک جمیل وزیر ځوان ځوې شمس الدين په بمي چاودنې کښې وژل شوې وو ۔
په دې افسوسناکه پيښه علاقې خلقو په پيښۀ د ډیر خفګان څرګندونه کړې او حکومت نه ئې غوښتنه کړې چې علاقه کښې دې امنيتي صورتحال ښۀ کولو لپاره ګامونه پورته کړي ۔
