د خېبرپښتونخوا اسمبلۍ کښې د صوبې مختلفو مسئلو باندې بحث شوې، او درې قراردادونه هم منظور کړې شويدي، صوبه کښې بلدياتي نظام کښې موجود خامۍ لرې کولو، د دې د خپلواکۍ او اختياراتو منتقلۍ قرارداد منظور شوې، ايوان د پي ايم ايس امتحان لپاره طالب علمانو ته وخت ورکولو لپاره قرارداد هم منظور کړې ، د مهاشير کبانو تحفظ لپاره قرارداد منظوري هم ورکړې شويده ۔
پيښور: دخېبر پښتونخوا اسمبلۍ غونډه د پينل آف چئيرمين ادريس خټک په مشرۍ کښې تر سره شوې، غونډه کښې درې قراردادونه په متفقه توګه منظور شويدي ۔
غونډه کښې درې قراردادونه وړاندې کړې شوي چې پکښې د کبانو دغير قانوني ښکار، د پي ايم ايس امتحانونو په حواله قرارداد او د پاکستان پيپلز پارټۍ له اړخه د بلدياتي نظام په حواله قرار دادونه شامل دي، ايوان د دغه قراردادونو په متفقه توګه منظوري ورکړې ده ۔
حکومتي غړو ايوان کښې اووئيل چې د خېبرپښتونخوا وزير اعلی صوبه کښې د امن وامان مسئله تر ټولو وړاندې په نښه کړې چې ټولو سياسي ډلو ورسره په يو آواز سره د ترهه ګرۍ خلاف آواز پورته کړې او دا چې باني پي ټي آئي او دهغه کور ودانه بي ګناه قيد کړې شوې ده ۔
د حکومتي اراکينو وينا وه چې صوبه کښې به چرې هم د فوجي آپريشن اجازت ورنکړو ۔
اپوزيشن سره تعلق لرونکو اراکيون اووئيل چې د صوبي پينځه ويشت فيصده برخه په ځنګلاتو مشتمله ده خو اوس دځنګلونو د بے دريغه کټ کولو لوجي دغه شميره پينځه فيصد ته راکمه شويده نو ځکه خو خېيرپښتونخوا وخت په وخت د قدرتي آفتونو ښکار کيږي ۔
