اسلام آباد پمز هسپتال کښې اوورلګيدو پېښه کښې مړه شوي څوارلس ماشومان خاورو ته سپارلې شوي دي، بلخوا ملګرو ملتونو او يو شمېر هېوادونو هم د دې غمجنې پښې په اړه د افسوس اظهار هم کړيدي ۔
اسلام آباد: د يو ماشوم پلار په سرکاري هسپتالونو کښې د غوره انتظاماتو غوښتنه کړې او وئيلي دي چې د پېښې غم دومره زيات دې چې يواځې د الله په رضا مو سر ټيټ کړې دې ۔
د شمس آباد اوسېدونکي متاثره کس د هسپتال سهولتونو په اړه هم اندېښنه څرګنده کړې او وئيلي دي چې د دومره زياتې آبادۍ لپاره هسپتال او سهوليات کافي نۀ دي ۔
بلخوا ملګرو ملتونو لخوا يو بيان کښې وئيلي شوي چې پمز پېښه کښې د ماشومانو په پيښه د افسوس اظهار او د غمجنو والدينو سره ئې همدردي کړې ده ۔
دې ترڅنګ د چين سفارت،د برطانيې هائي کمېشن، سعودي عرب او ايران هم د پېښې په اړه د ژور غم څرګندونه کړې او د متاثره کورنيو سره يې د يووالي څرګندونه هم کړې ده ۔
