دخېبرپښتونخوا وزير اعلیٰ محمد سهيل آفريدي د پېښور رينګ روډ جميل چوک کښي د انډر پاس پرانسته کړې ده، دا منصوبه به په دوه مياشتو کښي سرته رسولې شي او په دې منصوبه به دوه اعشاريه پينځۀ ارب روپۍ خرچ کيږي ۔
پيښؤر: د انډر پاس پرانستې دستورې په وخت د قامي او صوبائي اسمبلۍ غړي هم په ګڼ تعداد کښې موجود وو ۔
دستورې ته د وينا په وخت دخېبر پښتونخوا وزير اعلیٰ سهيل آفريدي اووئيل چې دجميل چوک انډر پاس به په شپږو لائنونو مشتمل وي ۔
سهيل آفريدي اووئيل چې په اووۀ ويشتم ستمبر به په ګڼ تعداد کښې اسلام آباد ته داخليږو او تر څو پورې چې د باني پي ټي آئي رهائي او نور مطالبات منلې شوې نۀ وي اسلام آباد کښې به موجود يو ۔
وزير اعلیٰ زياته کړه چې موڼږ خو د آئين او قانون لاره خپله کړې خو وفاقي حکومت صوبې ته نۀ خپل حقونه ورکړل او نۀ ئې دخېبرپښتونخوا حکومت نور جائز مطالبات اومنل ۔
وزير اعلیٰ سهيل آفريدي زياته کړې چې اووئيل چې وفاقي حکومت د ملک په تاريخ کښې په وړومبي ځل پينځۀ بجټ پيش کړي خو بيا هم ملک د ترقۍ په ځائې نور کمزورې شوې دې ۔
