دريم او آخري ټي ټوينټي ميچ کښې سري لنکا په څوارلس رنز پاکستاني ټيم ته شکست ورکړې چې ورسره د درې ميچونو سيريز يو، يو سره برابر پاتې شويدې، باران لوجې متاثره ميچ دولس،دولس اوورز پورې محدود کړې شوې وو، چې پکښې د کوربه ټيم د يو سل ،يو شپيتۀ رنز جواب کښې پاکستان په اتۀ وکټو يو سل، شپږ څلويښت رنز جوړ کړي وو او ميچ ئې بيللې دې ۔
د سري لنکا دمبولا سټيډېم کښې لوبيدلې دريم او آخري ټي ټوينټي ميچ هم باران لوجې متاثره شوې وو، او دولس، دولس اوورز پورې محدود کړې شوې وو ۔
پاکستان ټاس ګټلې وو او پخپله ئې اول د فيلډنګ فيصله کړې وه، سري لنکا مقرره دولس اوورز کښې شپږ وکټو په زيان يو سل شپيتۀ رنز جوړ کړي وو ۔
سري لنکا طرف نه کپتان دوسان شناکا جارحانه څلور ديرش او کوسال مينډس ديرش رنز جوړ کړي وو ۔
پاکستان طرف نه محمد وسيم درې، نسيم شاه، محمد نواز او فهيم اشرف يو، يو وکټ په خپل نوم کړې وه ۔
د يو سل يو شپيتۀ رنز هدف تعاقب کښې قامي ټيم اتۀ وکټو په زيان يو سل ، شپږ څلويښت رنز جوړ کړي وو او په څوارلس رنز ئې ميچ بيللې دې ۔
پاکستان طرف نه ټولو نه زيات کپتان سلمان علي آغا په دولس بالونو پنځه څلويښت، محمد نواز اتۀ ويشت، خواجه نافع شپږ ويشت رنز باندې آؤټ شوي وو ۔
د سري لنکا طرف نه هسا رنګا څلور او متهيشا دوه وکټې په خپل نوم کړې وې، ونيندو هسارنګا د ميچ او سيريز بهترين لوبغاړي ګرځولې شويدې ۔
دواړو ټيمونو ترمينځ د درې ميچونو سيريز يو، يو سره برابر پاتې شوې، اولنې ميچ پاکستان ګټلې وو او دوئم ميچ باران لوجې منسوخ شوې وو ۔
