د ورلډ ټيسټ چيمپيئن شپ ټرافي جنوبي افريقې په خپل نوم کړېده، جنوبي افريقې فائنل ميچ کښې آسټريليا ته په پنځه وکټو شکست ورکړې او په اول ځل ئې آئي سي سي ټيسټ چيمپيئن فائنل ګټلې دې، د آسټريليا د دوه سوه، دوه اتيا رنز هدف جنوبي افريقې پنځه وکټو په زيان پورا کړېدې ۔
د انګلينډ لارډز کرکټ ګراؤنډ کښې لوبيدلې د ورلډ ټيسټ چيمپيئن شپ فائنل کښې آسټريليا ميچ ګټې لپاره جنوبي افريقې ته د دوه سوه ، دوه اتيا رنز هدف ورکړې وو، کوم چې جنوبي افريقې په پنځه وکټو پورا کړې او ټرافي ئې په خپل نوم کړېده ۔جنوبي افريقې طرف نه ايډم مارکرم شاندار يو سل شپږ ديرش، او کپتان تمبا باوؤمه شپږ شپيتۀ رنز باندې آؤټ شويدي
آسټريليا لخوا مچل سټارک درې او ، جوش هيزل ووډ او پېټ کمنز يو، يو وکټ په خپل نوم کړېدي ۔
دې نه وړاندې آسټريليا اولني اننګز کښې دوه سوه دولس رنز جوړ کړي وو ، د کوم جواب کښې چې د جنوبي افريقې ټول ټيم يو سل اته ديرش رنز باندې آؤټ شوې وو ۔
آسټريليا دوئم اننګز کښې په دوه سوه اووه رنز آؤټ شوې وو او جنوبي افريقې ته ئې ميچ ګټې لپاره د دوه سوه ، دوه اتيا رنز هدف ورکړې وو ۔
جنوبي افريقې د ميچ په څلورمه ورځ دغه هدف پنځه وکټو په زيان پورا کړې او په اول ځل ئې ټيسټ چيمپيئن شپ ټرافي ګټلې ده ۔
ميچ کښې شاندار سنچري جوړولو باندې د جنوبي افريقي بېټر ايډم مارکرم ته د ميچ د بهترين لوبغاړي انعام ورکړې شويدې ۔
