دريم او فيصله کُن ون ډے ميچ کښې پاکستان په اووۀ وکټو جنوبي افريقې ته شکست ورکړي او سيريز ئې دوه ،يو سره ګټلې دې، د ميلمه ټيم يو سل، څلور څلويښت رنز هدف قامي ټيم درې وکټو په زيان پورا کړيدې، صائم ايوب شانداراووۀ اوويا رنز جوړ کړي ،شاندار بولنګ باندې ابرار احمد د ميچ او د جنوبي افريقې کوانټن ډي کاک د سيريز بهترين لوبغاړي ګرځولې شويدي ۔
د فيصل آباد په اقبال سټيډيم کښې لوبيدلې آخري او فيصله کن ون ډے ميچ کښې جنوبي افريقې ټاس ګټلې وو او پخپله ئې د بيټنګ فيصله کړې وه ۔
د قامي ټيم سپِن بولرانو شاندار بولنګ لوجې د جنوبي افريقې ټول ټيم اتۀ ديرشم اوور کښې يو سل دري لويښت رنز باندې آؤټ شويدې ۔
پاکستان طرف نه ابراراحمد شاندار بولنګ کړې او څلور وکټې اخستي،شاهين شاه آفريدي، سلمان علي آغا او محمد نواز دوه، دوه وکټې په خپل نوم کړيدي ۔
جنوبي افريقې طرف نه کوانټن ډي کاک ټولو نه زيات دري پنځوس رنز جوړ کړي وو ۔
قامي ټيم مقرره هدف درې وکټو په زيان پورا کړې او ميچ ګټلو سره سيريز ئې هم دوه ، يو سره په خپل نوم کړېدې ۔
پاکستان طرف نه صائم ايوب شاندار اووۀ اوويا ، بابراعظم اووۀ ويشت رنز جوړ کړي وو، محمد رضوان په دوه ديرش او سلمان علي آغا په پنځه رنز ناټ آؤټ پاتې شوې وو ،شاندار بولنګ باندې ابرار احمد د ميچ بهترين لوبغاړې ګرځولې شويدې، د جنوبي افريقې سټار بېټر کوانټن ډي کاک ته د ون ډے سيريز غوره لوبغاړي اعزاز ورکړې شويدې ۔
دې نه وړاندې ټي ټوئنټي سيريز پاکستان دوه ،يوسره ګټلې وو اودواړو ټيمونو ترمينځ ټيسټ سيريز يو، يو سره برابر پاتې شوې وو
