د اوويشتم مجوزه آئيني ترميم اهم نکات مخې ته راغلي دي، ترميم کښې د چيف آف ډيفنس فورسز نوې عهده جوړه کړې شوې، آرمي چيف به د چيف آف ډيفنس فورسز وي، د فيلډ مارشل ، مارشل آف ايئر فورس او ايډمرل آف فليټ رينک ترلاسه کونکي به ټول ژوند په يونيفارم کښې پاتې کېدېشي، مجوزه آئيني ترميم مطابق اوس به د صدر مملکت سره سره د وزيراعظم خلاف هم فوجداري کارروائي نشي کيدې، ملک کښې به وفاقي آئيني عدالتونه قائمولې شي ۔
اسلام آباد (لياقت علي خټک) د اوويشتم مجوزه آئيني ترميم مطابق آرمي چيف، نيول چيف او ايئر چيف تقرري به صدر د وزيراعظم په ايډوائس کوي، د چيئرمين جوائنټ چيفس آف سټاف کميټي څوکۍ به ختمه شي او اوس به چيف آف ډيفنس فورسز د فوج مشري کوي، وزيراعظم به د چيف آف ډيفنس فورسز په تجويز د پاک فوج نه کمانډر نيشنل سټريټجک کمانډ تقرري کوي ۔
فيلډ مارشل، مارشل آف ايئر فورس او ايډمرل آف فليټ رينک ترلاسه کونکي به ټول عمر لپاره په يونيفارم کښې پاتې کيږي او مراعات به هم اخلي، دغه څوکۍ به د پارليمنټ مواخذې سره ختمولې شي، درې واړو ته به عدالتي استثنیٰ ترلاسه وي، کمانډ موده پوره کيدو باندې به وفاقي حکومت دوي ته د رياست په مفاد کښې ذمه واري سپارلې شي ۔
آئيني ترميم کښې ملک کښې آئيني عدالتونو قائمولو تجويز ورکړې شوېدې، آئيني عدالتونو کښې به د هرې صوبې نه برابر ججان وي، صدر مملکت به د آئيني کورټ چيف جسټس او ججز تقرري کوي، صدر به قانون په اړه معامله رائے لپاره آئيني عدالت ته ليږي، هائيکورټ ججانو تبادلې اختيار به جوډيشل کميشن ته ورکولې شي،چې کوم جج ټرانسفر نه مني هغه به ريټائرډ ګنړلې شي ۔
مجوزه آئيني ترميم مطابق صدر به د سپريم کورټ ججانو کښې د وزيراعظم په ايډوائس د آئيني کورټ وړومبې چيف جسټس تقرري کوي، د آئيني عدالت وړومبې ججز تقرري به صدر د وزيراعظم په ايډوائس باندې د چيف جسټس آئيني عدالت سلا مشورې سره کوي ۔
آئيني ترميم کښې د صدر مملکت سره سره اوس وزيراعظم ته هم فوجداري مقدماتو کښې استثنیٰ ورکړې شوېده، ګورنر خلاف به د هغه مودې پورې فوجداري کاروائي نشي کولې، يو عدالت به صدر او ګورنر ګرفتاري يا جيل ته ليږلو لپاره کاروائي نشي کولې ۔
