پاکستان اولني ون ډے ميچ کښې آسټريليا ته په پنځه وکټو شکست ورکړي او درې ميچونو سيريز کښې ئې يو صفر سره برتري ترلاسه کړيده، د ميلمه ټيم دوه سوه يو رنز هدف قامي ټيم څلور څلويښتم اوور کښې پنځه وکټو په زيان پورا کړې او ميچ ئې ګټلې دې، پاکستان طرف نه بابراعظم شاندار نهه شپيتۀ او غازي ګوري پنځه شپيتۀ رنز جوړ کړيدي، خپلې اولنې ون ډے کښې پنځه وکټې اخستو باندې عرفات منهاس د ميچ بهترين لوبغاړې ګرځولې شويدې ۔
پنډۍ کرکټ سټيډيم کښې لوبيدلې وړومبي ون ډے ميچ کښې پاکستان ټاس ګټلې وو او آسټريليا ته ئې د بيټنګ دعوت ورکړې وو ۔
د آسټريليا ټول ټيم پنځه څلويښتم اوور کښې دوه سوه رنز باندې آؤټ شوې، چې پکښې ټولو نه زيات ميټ رېن شا يو شپيتۀ او ميتهيو شارټ پنځه پنځوس رنز جوړ کړي وو ۔
پاکستان طرف نه خپل اولني ون ډے ميچ کښې عرفات منهاس شاندار بولنګ کړې او پنځه وکټې ئې په خپل نوم کړېدي،ابرار احمد دوه او شاهين شاه آفريدي، حارث رؤف او سلمان آغا يو، يو وکټ په خپل نوم کړېده ۔
قامي ټيم مقرره هدف څلور څلويښتم اوور کښې پنځه وکټو په زيان پورا کړې او ميچ ئې ګټلې دې، پاکستان طرف نه بابراعظم شاندار نهه شپيتۀ او غازي ګوري پنځه شپيتۀ رنز جوړ کړيدي ۔
صاحبزاده فرحان اتۀ ويشت، معاذ صداقت اتۀ، سلمان آغا شپږ آؤټ شوي، او عرفات منهاس په اتلس رنز ناقابل شکست پاتې شويدې ۔
خپلې اولنې ون ډے کښې پنځه وکټې اخستو باندې عرفات منهاس د ميچ بهترين لوبغاړې ګرځولې شويدې ۔
ميچ ګټلو سره پاکستان ته درې ميچونو سيريز کښې يو صفر برتري ترلاسه شوې، دوئم ميچ به په دوئم جون اور آخري ون ډے به په څلورم جون لاهور کښې لوبيږي ۔
