د فيلډمارشل عاصم منير د پيښورکور هيډکوارټرز دوره، آئي ايس پي آر ترمخه فيلډمارشل ته د صوبې امن و امان صورتحال،ترهه ګرو خلاف جاري آپريشن او پاک افغان پولو سيکيورټۍ په معاملو بريفنګ ورکړي شوېدے، فيلډ مارشل عاصم منير د سيکيورټي فورسز پيشه وارانه مهارت او حوصلو ستائينه کړې، وئيلي ئي دي چې ترهه ګر چې هر ځائې وي د دوي به مکمل خاتمه کوؤ ۔
د پاک فوج اطلاعاتو شعبې له لوري جاري بيان کښې وئيلي شوي چې فيلډ مارشل عاصم منير د پېښور کور هيډکوارټرز دوره کړې، چرته چې ورته د صوبې د امنيتي صورتحال، د ترهه ګرۍ خلاف روان عملياتو، سرحدي انتظاماتو او د فوج د دستو د عملياتي تيارۍ په اړه بريفنګ ورکړې شوې دې ۔
آئي اېس پي آر ترمخه په دې موقع فيلډ مارشل عاصم منير د افسرانو او ځوانانو د لوړو حوصلو او پيشه ورانه صلاحيتونو ستائنه کړې ده ۔
ځوانانو سره ملاقات پر مهال فيلډ مارشل هدايت کړې چې د خطراتو مخنيوي لپاره دې مسلسل تيار اوسي او د تيارۍ لوړ معيار دې برقرار اوساتي ۔
د آئي اېس پي آر ترمخه د پاک فوج مشر د شهيدانو، د سيکيورټي فورسز غازيانو او د پاکستاني اولس قربانۍ ستائلي ، او وئيلي دي چې د اولس په ملاتړ به پاکستان ترهه ګرو ته فيصله کن ماتې ورکوي ۔
آئي ايس پي آر دا هم وئيلي چې پېښور ته په رسېدو د پيښور کور کمانډر د فيلډ مارشل عاصم منير تود هرکلې کړې دې ۔
