خارجه دفتر وئيلي دي چې د پاکستان او افغانستان ترمينځ استنبول کښې مذاکرات جاري دي، اولس دې د سوشل ميډيا په خبرونه توجه نۀ ورکوي، هفته وار ميډيا بريفنګ کښې ترجمان طاهر حسين اندرابي وئيلي چې د پاکستان موقف واضحه دې چې افغان زمکه دې ترهه ګرۍ لپاره استعمال نکړې شي، پاکستان دې لړ کښې د مذاکراتو ثالث ملکونو ته شواهد باندې مبني مطالبات ورکړي، دريم ګړي ملکونو افغان طالبانو سره په يو، يو نکته خبرې کوي ۔
اسلام آباد: خارجه دفتر کښې هفته وار ميډيا بريفنګ دوران ترجمان دفترخارجه طاهر اندرابي وئيلي دي چې استنبول کښې د پاکستان او افغانستان ترمينځ مذاکرات روان دي ۔
ترجمان اووئيل چې د پاکستان واضحه موقف دې چې د ترهه ګرۍ او ټي ټي پي متعلق ثالث مذاکراتو کاميابۍ لپاره کوشش کوي او تر څو مذاکرات فائنل شوي نۀ وي نو څه قسمه تبصره نۀ ده پکار ۔
طاهر اندرابي زياته کړې چې چې افغان زمکه دې ترهه ګرۍ لپاره استعمال نکړې شي، پاکستان دې لړ کښې د مذاکراتو ثالث ملکونو ته شواهد باندې مبني مطالبات ورکړي، دريم ګړي ملکونو افغان طالبانو سره په يو، يو نکته خبرې کوي ۔
ترجمان مخکښې اووئيل چې سوشل ميډېا دې لړ کښې منفي پروپينګنډې کوي، اولس دې سوشل ميډيا په خبرونه غوږ نۀ ګروي ۔
ترجمان دفتر خارجه اووئيل چې بهارت د امريکي صدر ته جنګ بندۍ درخواست کړې وو، پاک فضائيه کارنامه اوس تاريخ حصه جوړه شوي، پاکستان څه قسمه هندو ويزه باندې پابندي نۀ ده لګولې او ټول خبرونه ئې مسترد کړيدي ۔
ترجمان اووئيل چې نوې دهلي کښې د پاکستان هائي کميشن دوه زره څلور سوه ويزې سکھ ياترو ته جاري کړيدي ۔
