پاکستان او افغان طالبانو ترمينځ استنبول مذاکرات د ډيډلاک ښکار شويدي،داطلاعاتو وفاقي وزيرعطاتارړ وئيلي چې پاکستان خپل اصولي موقف باندې کلک ولاړ دې، د افغانستان خاورې نه ترهه ګري قابو کول د افغانستان ذمه داري ده،عطا تارړ مطابق پاکستان دې مذاکراتي عمل کښې د ثالث ملکونو ترکيه او قطر کردار ستائنه کوي، او دا چې افغان حکومت اوسه پورې د دوحه امن لوظنامې وعدې پورا کړي نۀ دي ۔
اطلاعاتو وزير عطاتارړ د سماجي رابطو په ويب پاڼه خپل بيان کښې تصديق کړې چې د پاکستان او افغانستان ترمينځ استنبول کښې مذاکراتو کښې ډيډ لاک راغلې دې
وفاقي وزير اووئيل چې پاکستان د پاک افغان تعلقات د منطقې امن لپاره انتهائي اهم ګنړي، خو کابل انتظاميه د ترهه ګرۍ خاتمې په اړه کړې وعدو باندې عمل درآمد کولو کښې ناکامه شوېدې ۔
عطا تارړ واضحه کړې چې پاکستان به هميشه د خپل عوام تحفظ، قامي سلامتيا او خودمختارۍ دفاع لپاره ضروري اقدامات کوي، د افغانستان خاورې نه کېدونکي ترهه ګرۍ باندې قابو موندل د افغانستان ذمه داري ده، کابل انتظاميې ته به د نړيوالې ورورولۍ مخې ته کړې وعدې پورا کول وي ۔
عطا تارړ اووئيل چې پاکستان په خپل اصولي موقف قائم دي او د دباؤ لاندې به پاليسۍ کښې تبديلي نۀ کوي، پاکستان افغان عوام سره خير سګالۍ جذبه ساتي او غواړي چې افغانستان يو پرامن، مستحکم او خوشحاله ملک جوړ شي ۔
عطا تارړ زياته کړې چې پاکستان هميشه د ترهه ګرۍ خلاف خپله خاوره باندې موثر کاروائيانې کړي او دنيا د دې قربانو اعتراف کړېدې، پاکستان دې مذاکراتي عمل کښې برادر ملکونو ترکيه او قطر کردار ستائينه کوي ۔
استنبول مذاکرات بے نتيجې ختم شوي: ۔
بلخوا استنبول کښې د ترکيه اوقطر ثالثۍ کښې د پاکستان اوافغان طالبانو حکومت ترمينځ د خبرو اترو دريم دور بے نتيجي ختم شويدې ۔
د سرچينو ترمخه په وړومبي ورځ مذاکرات په ښۀ ماحول کښې شوي وو،د پاکستان وفد افغان طالبانو ته غوښتنې وړاندې کړي او په دغه مخامخ بحثونه هم شوي وو ۔
دافغان طالبانواووه کسيزه وفد د خفيه ادارې مشر عبدالحق وثيق په مشرۍ کښې مذاکراتوکښې ګډون کولو،سر چينو ترمخه د پاکستان اعلیٰ سيکيورټي او سفارتي چارواکو وفدمذاکرات کښې د پاکستان نمائندګي کړې ۔
