د پاک فوج اطلاعاتِ عامه شعبې آئي ايس پي آر د بهارت خلاف معرکه حق کښې د وطن دفاع په خاطر د خپلو ځانونو قربانۍ ورکونکو شهيدانو تفصيلات جاري کړېدي ۔
آئي ايس پي آر ترمخه معرکه حق کښې د وطن حفاظت لپاره يوولس فوجي ځوانانو د خپلو سرونو قرباني ورکړې ، بهارتي جارحيت ته جواب ورکولو په موقع اتۀ اوويا ځوانان ژوبل شوي هم دي ، د بهارتي فوج په شپږمې او اوومې مئي پاکستان باندې وحشيانه حملو کښي څلويښت عام وګړي شهيدان او يوسل يويشت معصومه کسان ژوبل شويدي ۔
آئي ايس پي آر له لوري جاري بيان کښې وئيلي شوي چې بهارتي حملو کښې د شهادت درجه ترلاسه کونکو کښې د پاک فضائيه سکواډرن ليډر عثمان يوسف ، چيف ټيکنيشن اورنګزيب ، سينئر ټيکنيشن نجيب ، کارپورل ټيکنيشن فاروق او سينئر ټيکنيشن مبشر شامل دي ۔
آئي ايس پي آر وئيلي چې بهارتي حملو کښې نائيک عبدالرحمن ، لانس نائيک دلاور خان ، لانس نائيک اکرام الله ، نائيک وقار خالد، سپاهي محمد عديل اکبر او سپاهي نثار هم شهيدان شويدي ۔
آئي ايس پي آر مخکښې وئيلي چې بهارتي فوج په شپږم او اووم مئي بلا اشتعال حملې شروع کړې وې ، دغه حملو کښې څلويښت عام وګړي شهيدان شوي وو په کوم کښې چي اووه زنانه او پنځلس ماشومان هم شامل دي ، بهارتي جارحيت کښې په مجموعي ډول يوسل يويشت معصومه پاکستانيان ژوبل شوي هم دي ۔
آئي ايس پي آر بيان کښي وئيلي شوي چې د سنګين جارحيت په جواب کښې پاک فوج د مرکه حق د نعرې لاندې دښمن ته خُله ماتې جواب ورکړې او نۀ صرف خپله بدله ئې اخستې بلکه پاک افواج قام سره کړې خپله وعده هم پورا کړېده ۔
د شهيدانو عظيم قرباني او وطن سره مينه يو لازوال علامت دې ، د شهيدانو قربانۍ به تل ياد ساتلي شي ، قام د جارحيت په وړاندي پرعزم دې ۔
آئي ايس پي آر واضحه کړې چې دې کښې هيڅ قسمه شک نه دې پکار چې د پاکستان خپلواکۍ او علاقائي سالميت چيلنج کولو د هرقسمه کوشش به فيصله کن جواب ورکولې شي ۔
