ګورنر خېبر پښتونخوا نوښار کښې داخله چارو لپاره د وزيراعظم مشير پرويز خټک سره ملاقات کړې، په دې موقع دواړو مشرانو ترمينځ د ملک سياسي صورتحال او د باهمي دلچسپۍ په نورو چاروخبرې شوي، په دې موقع ميډيا سره خبرو کښې پرويز خټک وئيلي چې تحريک انصاف د طالبانو او تابعداري او حمايت کول غوښتل، د ګورنر فيصله مشکله وه، حالات داسې پيدا کړې شوي چې مجبورۍ نه ګورنر نافذ کړې شوې، پرويز خټک مطابق که چرې پي ټي آئي کښې پوهه کسان وې نو داسې به چرې نۀ وه شوې ۔
د خېبرپښتونخوا ګورنر فيصل کريم کنډي په نوښار کښې د داخله چارو لپاره د وزيراعظم صلا کار او پخواني وزيراعلیٰ پروېز خټک سره ملاقات کړې دې ۔
د ملاقات وروستو خبريالانو سره خبرو کښې ګورنر فېصل کريم کنډي وئيلي چې پروېز خټک په سياست کښې اوږده موده تېره کړې او د خپل دور پر مهال ئې د اپوزيشن سره په شريکه د صوبې د پرمختګ لپاره کار کړې دې ۔
ګور رخېبر پښتونخوا فيصل کريم کنډي اووئيل چې د سياسي مشرانو سره د ملاقاتونو مقصد د صوبې د پرمختګ او وفاق سره د مسئلو حل لپاره لارې لټول دي ۔
دوي زياته کړې چې په پېښور کښې د اېپکس کمېټۍ مهمه غونډه شوې او وزيراعظم د خپل سفر پر مهال د مختلفو مسئلو حل لپاره اقدامات هم کړي دي ۔
بلخوا پروېز خټک ميډېا سره خبرو کښې وئيلي چې د فېصل کريم کنډي سره ئې پخوانې اړيکې دي او د صوبې په مسئلو ئې ورسره تفصيلي خبرې کړي دي ۔
هغه اووئيل چې د خپل حکومت په دور کښې شروع شوې کارونه بائد جاري اوساتلې شي،او دا چې دا مهال آزاد دې او په بل سياسي ګوند کښې د شاملېدو اراده نۀ لري ۔
د ګورنر راج په اړه پروېز خټک وئيلي که چرې پي ټي آئي کښې يو هم پوهه تن وې نو داسې سخته فيصله به نۀ کيده ،سياسي لحاظ داسې فيصله ښۀ نۀ وي، خو د حالاتو له امله ګورنر راج نافذول مجبوري وه او پي ټي آئي غوښتل چې د طالبانو او افغانستان تابعداري او ملاتړ اوکړي ۔
