خېبرپښتونخواکښې بند سي اين جي سټيشنز کولاؤلو لپاره د وفاقي او صوبائي حکومت ترمينځ مذاکرات کامياب شويدي، وفاقي حکومت صوبې ته يوميه پنځه ديرش ايم ايم سي ايف ډي ګيس فراهم کولو يقين دهاني ورکړېده،د خېبر پښتونخوا خزانې مشير مزمل اسلم وئيلي چې د وزيراعلیٰ سهيل آفريدي کوششونو لوجې د ګيس مسئله حل شوې ۔
اسلام آباد: سرچينو ترمخه خېبر پښتونخوا کښې بند سي اين جي سټيشنز ته ګيس فراهم کولو فيصله شوېده، وفاقي حکومت يوميه پينځه ديرش ايم ايم سي ايف ډي ګيس فراهم کولو يقين دهاني ورکړې، سي اين جي سټيشنز به سحر شپږو نه تر ماښام شپږو بجو پوري کولاؤ وي ۔
خېبر پښتونخوا خزانې مشير وائي چې د وزيراعلیٰ سهيل آفريدي کوششونو لوجې د ګيس مسئله حل شوې، وفاقي حکومت د ګيس بحالې منظوري ورکړيده ۔
د خېبر پښتونخوا مختلفو برخو کښې به سي اين جي سټيشنز ته په فوري توګه د ګيس فراهمي شروع کړې شي ۔
ياده دې وي چې وفاقي حکومت پنجاب ته هم د اوړو او غنمو نورو صوبو ته ترسيل کښې خنډونه په فوري توګه لرې کولو هدايت ورکړي وو ۔
