د ايشز سيريز پنځم ټيسټ ميچ کښې آسټريليا په پنځه وکټو انګلينډ ته شکست ورکړې او سيريز ئې څلور، يو سره ګټلې دې ، د انګلينډ يوسل ،شپيتۀ رنز هدف آسټريليا پنځه وکټو په زيان پورا کړې ، د آسټريليا ټريوس هيډ د ميچ او مچل سټارک د سيريز بهترين لوبغاړي ګرځولي شويدي ۔
سډني کرکټ ګراؤنډ کښې لوبيدلې پنځه ميچونو باندې مشتمل د ايشز سيريز آخري ټيسټ ميچ هم آسټريليا ګټلې او سيريز ئې څلور، يو سره په خپل نوم کړېدې ۔
د پنځم ټيسټ ميچ په آخري ورځ انګلينډ ميچ ګټې لپاره آسټريليا ته د يو سل ،شپيتۀ رنز هدف ورکړې وو، آسټريليا مقرره هدف پنځه وکټو په زيان پورا کړې او ميچ کښې ئې کاميابي ترلاسه کړېده ۔
انګلينډ ټيم وړومبي اننګز کښې درې سوه ،څلور اتيا رنز جوړ کړې وو، د کوم جواب کښې چې آسټريليا ټيم پنځه سوه، اووۀ شپيته رنز جوړ کړي وو او د يو سل دري اتيا برتري ئې ترلاسه کړې وه ۔
د انګلينډ ټيم دوئم اننګز کښې درې سوه ، دوه څلويښت رنز باندې آؤت شوې وو او آستريليا ته ګټې لپاره د يو سل شپيتۀ رنز هدف ميلاؤ شوې ۔
آسټريليا د يوسل شپيتۀ رنز هدف پنځه وکټو په زيان پورا کړې او ميچ ګټلو سره ئې سيريز کښې هم څلور، يو سره کاميابي ترلاسه کړېده
