عزم استحکام نوې آپريشن نۀ دې، او نۀ به دې سره څوک بے کوره کيږي، آرمي چيف

پنډۍ کښې يومِ دفاع او شهدا په موقع مرکزي دستوره شوې چې پکښې وزيراعظم شهبازشريف مشر ميلمه وو، دستوره کښې وفاقي وزيرانو ،د شهدا خپل خپلوانو او د پاک فوج متعلقه افسرانو ګنړ شمير کښې ګډون کړېدې ۔
په دې موقع وزيراعظم شهبازشريف او آرمي چيف جنرل عاصم منير د شهدا په يادګار حاضري ورکړې ،ګلونه ئې پرې غوړولي او فاتحه خواني ئې هم کړېده ۔
دستورې ته خپله وينا کښې آرمي چيف جنرل عاصم منير وئيلي دي چې د پاکستان عظيم قام ته سلام وړاندې کوم،ځکه چې دوي قانون نافذ کونکي ادارو سره په شريکه د دښمنانو ښه په کلکه مقابله کړېده ۔
آرمي چيف اووئيل چې 1947 نه تر اوسه پورې يو شمير ځوانانو ملک لپاره قربانۍ ورکړي ،د ترهه ګرۍ خلاف جنګ کښې په خاصه توګه د خېبرپښتونخوا اولس ډيرې زياتې قربانيانې ورکړيدي ۔
د پاک فوج سر لښکر اووئيل چې ترهه ګرو خلاف يو آواز ، پيغام پاکستان، د مغربي سرحدونو باضابطه انتظام، د قبائلي علاقو کښې خيبر پښتونخوا کښې شامليدل، د پښتونخوا او بلوچستان معاشي او سماجي ترقۍ لپاره اقدامات اهم کاميابۍ دي، دا ټولې کاميابي د پاکستان د رياست د عزم او غازيانو او شهيدانو د قربانې ميوه ده ۔
هغه اووئيل چې د پاکستان د اولس او افواجِ پاکستان رشته ، د زړه رشته ده، کومه چې د پاکستان د دښمنانو د شکست ضامن ده، عزم استحکام د نيشنل ايکشن پلان سلسله ده،دا څه نوې آپريشن نۀ دې، دې کښې به هيڅوک هم نۀ بے کوره کيږې ۔
آرمي چيف اووئيل چې قام کښې اړې ګړې پيدا کونکي،بے يقيني او مايوسي خورونکي ټولو ته به به په شريکه ماتې ورکولې شي ، قامي يو والې کمزورې کونکي به چرې هم په خپل مقاصد کښې نۀ کاميابيږي ۔
جنرل عاصم منير مخکښې وئيلي چې الله پاک پاکستان ته بے پناه قدرته وسائل ورکړي، زمونږ اصل اثاثه اولس، او په خصوصې توګه ځوانان دي، د ځوان کول ملکي ترقۍ کښې کردار د ملا د هډوکي حيثيت لري ۔
د پاک فوج سر لښکر په دې موقع د کشمير او فلسطين ذکر هم کړې او د دوي د خلقو جدوجهد آزادۍ له ئې هم سلام وړاندې کړې، وئيلي دي چې جنوبي ايشيا کښې د پائيدار امن قيام د مسئله کشمير حل کيدو کښې دې،د فلسطين مسئله هم دنيا لپاره يو انتهائي قابلِ فکر سوال دې، د دوي شهيدانو ته هم ټول قام خراج عقيدت وړاندې کوي ۔