کوهاټ کښې د غېرقانوني مائننګ خلاف کاروائۍ پرمهال وسله والو په پولیس اهلکارو ډزې کړي،ترجمان وئیلي چې ډزو پيښه کښې ډي ايس پي حيدر زمان او سب انسپکټر مختيار پشمول لس اهلکاران شهيدان شوي او يوولس ژوبل شويدي، پيښې نه پس د پوليس لويه نفري ګمبټ ته رسيدلې او دې دوران ئې ډير وخت پورې ملزمانو سره د ډزو تبادله هم شوې ۔
پولیسو مطابق دريائے سندھ کښې د سرو زرو د غېر قانوني مائننګ خلاف عملیاتو پرمهال د ګمبټ په ګولډ مائننګ سیمه کښې د پولیس او وسله والو ترمينځ د ډزو تبادله شوې ده ۔
د پولیس ترجمان د خلي ميډيا رپورټس کښي وئيلي شوي چې د ډزو په نتيجه کښې ډي اېس پي حیدر زمان او سب نسپکټر مختیار پشمول لس پوليس اهلکار شهيد شوي دي ۔
پيښه کښې يوولس پولیس اهلکار ژوبل شوي هم دي، ژوبل اهلکار د علاج لپاره هسپتال ته منتقل کړې شوي، وسله والو دنښتې پرمهال د پولیس پنځه ګاډی هم سوزولې دې ۔
د حملې وروستو د پوليس او سيکورټي فورسز کاروائي هم کړې ، سيمه په ولقه کښې اغستي شوې وه او د حمله کونکو لټون لپاره سرچ آپريشن هم شوې دې ۔
بلخوا ګورنر خېبر پښتونخوا فيصل کريم کنډې کوهاټ کښې پوليس باندې د حملې نوټس اخستې او متعلقه سيکيورټي چارواکو نه ئې رپورټ طلب کړېدې ۔
ګورنر په پوليس د حملې غندنه هم کړې او وئيلي دي چې ډزو کښې ککړ ملزمان دې خپل انجام ته اورسولې شي، د پويس قربانۍ به نۀ ضائع کيږي، د دوي قربانۍ ټول قام لپاره د فخر وړ دي ۔
