د خارجه دفتر ترجمان وئيلي دي چې پاکستان چرې هم افغانستان سره د سفارتکارۍ نه عار نۀ دې محسوس کړې،ټولې مسئلې او جنګونه د سفارتکارۍ د لارې حل کيږي،پاکستان کښې ترهه ګرۍ لپاره افغان زمکه استعماليږي، او دا تر ټولو لوئې مسئله ده،هفته وارميډيابريفنګ کښې ترجمان وئيلي چې چين، ازبکستان او نورو ملکونو ته هم افغانستان کښې موجود ترهه ګر ډلو نه مسئلې ورپيښې دي، مکه دفاعي معاهدې په حواله ترجمان وئيلي چې پاکستان او سعودي عرب دې لړ کښې خپل کار مکمل کړې، ترکيه دا لوظنامه د پارليمان نه منظوروي ۔
اسلام آباد: هفته وار ميډېا بريفنګ دوران د خارجه دفتر ترجمان وئيلي چې پاکستان د افغانستان سره سفارتکارۍ د لارې د مسئلو حل غواړي، د افغانستان خاورې نه پاکستان ته د ترهه ګرو راتګ د ټولو لوئې مسئله ده، او تېر يو کال کښې د ترهه ګرۍ لوجې ديارلس سوه شل پاکستانيان شهيدان شويدي ۔
د خارجه دفتر ترجمان زياته کړې چې چين، ازبکستان او يو شمېر نور ملکونه هم په افغانستان کښې د ترهه ګرو په موجودګۍ اندېښنې لري او هغوي هم ترهه ګرۍ لوجې مشکلاتو سره مخ دي ۔
د خارجه دفتر ترجمان وئيلي چې د مالديپ صدر د پاکستان په دوره راغلے وو، چې ورسره خاتون اول او يو لوړ پوړے وفد هم وو،د دورې پرمهال د دواړو هېوادونو ترمينځه د شلو مفاهمتي يادداشتونو او معاهدونو لاسليکونه شوي دي ۔
مکه دفاعي معاهدې توسيع په اړه ترجمان وئيلي چې هر ملک د خپل قانوني او اداري طريقه کار د مخې مراحل طے کوي،پاکستان او سعودي عرب خپل مراحل مکمل کړي ۔
