عسکري قيادت سعودي عرب باندې د ايران د حملو په سختو ټکو کښې غندنه کړې او داسې حملې مشرقِ وسطیٰ کښې جنګ خاتمې لپاره جاري د پاکستان کوششونو ته زيان رسوي، آئي ايس پي آر وئيلي چې د فيلډ مارشل سيد عاصم منير مشرۍ کښې کور کمانډرز کانفرنس شوې ، چې پکښې د ملک اندروني امنيت او د منطقې سيکيورټي صورتحال باندې تفصيلي غور شويدې ، غونډه کښې فيصله شوې چې ترهه ګرو خلاف جاري آپريشن غضب للحق به نور شدت سره جاري ساتلې شي ۔
د پاک فوج اطلاعاتو شعبۀ له لوري جاري بيان کښې وئيلي دي چې چيف آف ډيفنس فورسز سيد عاصم منير مشرۍ کښې کورکمانډرز کانفرنس شوې ۔
آئي ايس پي آر مطابق کورکمانډرز کانفرنس دوران د ملک اندروني امنيت او منطقې په مجموعي صورتحال تفصيلي غور شويدې ۔
آئي ايس پي آر ترمخه غونډې سعودي عرب باندې د ايران د حملو په سختو ټکو کښې غندنه کړې او واضحه کړې ده چې داسې حملې مشرقِ وسطیٰ کښې جنګ خاتمې لپاره جاري د پاکستان مخلصانه کوششونو ته زيان رسوي ۔
اجلاس کښې د پاک افواج، سيکيورټي ادارو، او ملک لپاره قربانۍ ورکونکي عام خلقو بخښانې لپاره فاتحه خواني شوي او د شهدا قربانو ته خراج عقيدت هم وړاندې شويدې ۔
په دې موقع فيلډ مارشل سيد عاصم منير وئيلي چې حکومت ، وسله وال فوج او د اولس يو والي سره به د ملک سيکيورټي لپاره پورته شوې اقدامات به نور هم مضبوطولې شي ۔
د غونډې ګډون والو عزم کړې چې ترهه ګرو خلاف جاري آپريشن غضب للحق به نور هم تيزولې او د ترهه ګرو ټولې ټهکانې به په مکمل توګه ختمولې شي ۔
اجلاس کښې د بهارت طرف نه د جعلي فليګ آپريشن بيانه سختې سره مسترد کړې او وئيلي دي چې دې حوالې سره ټوله نړۍ کښې د بهارت سازشونه بے نقابه شويدي ۔
