د پي ايس ايل يوؤلسم ايډيشن خونده ور ميچونه جاري دي،قذافي سټيډيم کښې د ايونټ نهم ميچ کښې اسلام آباد يونائټډ په اتۀ وکټو کوئټه ګليډې ايټرز ته شکست ورکړې، د ګليډې ايټرز د يو سل، څلور اتيا رنز هدف اسلام آباد يونائټډ د دوه وکټو په زيان نورلسم اوور کښې آسانۍ سره پورا کړې،او ميچ ئې ګټلې دې ،سمير منهاس شاندار درې اتيا او کپتان شاداب خان ناقابل شکست نهه شپيتۀ رنز جوړ کړي ۔
پاکستان سپرليګ يولسم ايډيشن نهم ميچ د لاهور قذافي سټيډيم کښې لوبيدلې، چرته چې کوئټه ګليډې ايټرز ټاس ګټلو نه پس پخپله اول د بيټنګ فيصله کړې وه ۔
کوئټه ګليډي ايټرز ګټې لپاره اسلام آباد يونائټډ ته د يو سل څلور اتيا رنز هدف ورکړې وو،چې پکښې ټولو نه زيات حسن نواز شپږ شپيتۀ او کپتان سعود شکيل دوه څلويښټ رنز جوړ کړي وو ۔
اسلام آباد يونائټډ طرف نه شاداب خان درې، سلمان ارشاد او عماد وسيم، يو ، يو وکټ په خپل نوم کړې وه ۔
اسلام آباد يونائيټډ مقرره هدف ډير په آسانۍ سره نولسم اوورز کښې دوه وکټو په زيان ترلاسه کړې ،او ميچ ئې ګټلې دې، يونائټډ طرف نه سمير منهاس دوه اتيا او کپتان شاداب خان په نهه شپيتۀ رنز ناقابل شکست پاتې شوي او ميچ ګټلو کښې ئې اهم کردار ادا کړېدې ۔
درې وکټې اخستو او شاندار نهه شپيتۀ ناټ آؤټ رنز جوړولو باندې د يونائټډ کپتان شاداب خان د ميچ بهترين لوبغاړې ګرځولې شويدې ۔
