د پاکستان سُپر ليګ يوولسم ايډيشن ابتدائي ميچ کښې لاهور قلندرز په نهه شپيتۀ رنز حيدر آباد کنګزمين ته شکست ورکړېدې، د دوه سوه رنز هدف جواب کښې کنګز مين ټول ټيم يو سل ، ديرش رنز باندې آؤټ شوې او ميچ ئې بيللې دې، شاندار دري پنځوس رنز جوړولو باندې فخر زمان د ميچ بهترين لوبغاړې ګرځولې شويدې ۔
د پاکستان سُپرليګ يوولسم ايډيشن خوندور او سنسني خيز ميچونه په باقاعده توګه د لاهور قذافي سټيډيم نه شروع شويدي ۔
د ميګا ايونټ اولني ميچ کښې دفاعي چيمپئين لاهور قلندرز ټاس ګټلې او حيدر آباد کنګزمين خلاف ئې د بيټنګ فيصله کړې وه ۔
لاهور قلندرز مقرره اوورز کښې شپږ وکټو په زيان يو سل ، نهه نوي رنز جوړ کړې، چې پکښې ټولو نه زيات فخر زمان دري پنځوس رنز باندې آؤټ شويدې ۔
د قلندر نور بېټرز کښې محمد نعيم ديرش ، سکندر رضا څليريشت او حسيب الله څلويښت رنز جوړ کړي وو ۔
د مقرره هدف په تعاقب کښې د حيدرآباد کنګزمين ټول ټيم آخري اوور کښې يو سل، ديرش رنز باندې آؤټ شوې او ميچ ئې بيللې دې ۔
د حيدر آباد کنګز مين کپتان مارنوس لبوشين ټولو نه زيات شپږ ويشت، ريلي مريديت نورلس او حسن خان څوارلس رنز جوړ کړي وو ۔
لاهور قلندرز لخوا حارث رؤف ،سکندر رضا او عبيد شاه دوه ، دوه وکټې اخستې وې، شاندار بيټنګ باندې فخر زمان د ميچ غوره لوبغاړې ګرځولې شويدې ۔
