د پاکستان ميډيا انډسټرۍ لوئې او اهم نوم خېبر نيټ ورک باندې تيره ورځ په دولسم مارچ د هيکنګ کوشش په وخت کاروائۍ سره ناکامه کړې شويدې، د خېبر نيټ ورک انجينئرز او ډيجيټل ټيمونو د مشکوک هلو ځلو فوري پته لګولې او ابتدائي مرحله کښې ئې دغه حملې خلاف فوري کاروائي کړې او نظام ئې محفوظ کړې، چې لوجې ئې په براه راست نشريات هيڅ اثر نۀ دې پريوتې ۔
د تکنيکي ټيمونو فوري کاروائي
د خيبر نيټ ورک تکنيکي عملې الرټ اوسيدو لوجې د داخلي سيکيورټي پروټوکول فعاله کړي وو، د دې فوري ردعمل لوجې د هيکنګ کوشش ناکامه کړې شوې او نشريات بغير د ځنډ جاري وو، چې ورسره د ټول ملک کتونکي د هيڅ قسمه ځنډ سره نۀ وو مخ شوي ۔
پرسکون او پيشه ورانه ردعمل
د هيکنګ ناکامه کوشش ميډيا کميونټۍ کښې ويره ترهه خورولې شوه، ولې د خېبر نيټ ورک عملې د ذمه وارۍ روئيه خپله کړې ،د خېبر نيټو رک انتظاميې او تکنيکي ټيمونو د جذباتي ردعمل په ځائې پرسکون او منظم انداز کښې مسئله حل کړېده، عملې د تکنيکي هم آهنګۍ او مسلسل نګرانۍ په ذريعه صورتحال قابو کړې ، چې لوجې ئې ميډېا کميونټي کښې غير ضروري تشويش نۀ دې خور شوې ۔
د حکومتي او قامي ادارو مضبوط حمايت
خېبر نيټ ورک باندې چې څنګه هم د هيکنګ کوشش پته اولګيده نو د پيمرا ايګيزکټيو ډائريکټر جنرل ( آپريشنز براډکاسټ/ميډيا پي آر) ريجنل ډائريکټر پيمرا او ځسان قامي ادارو اعلیٰ چارواکو فوري مرستې کړي، خيبر نيټ ورک د دغه ټولو چارواکو بروت مرستو او حوصله افزائۍ ستائنه کړې ، چې ورسره د ملکي ميډيا او حکومته ادارو ترمينځ مضبوط رابطه ثابته شوې ده ۔
د هيکنګ د تکنيکي تفصيلات معلومول
د ناکام هيکنګ تکنيکي تحقيق دوران انجينئرز د هيکنګ ممکنه طريقه کار شناخت کړې، د دې په ذريعه په اول ځل د خيبر نيټ ورک ماهرينو د براډکاسټ ټرانسميشن سسټمز باندې کيدونکې داسې سائبر حملو د نمونو نيزدې نه مشاهده کړې ، دا دريافت راتلونکي کښې د سيکيورټي مضبوطولو او سائبر خطرات نه بچاؤ کښې مددګار ثاب کيديشي ۔
ميډيا انفراسټرکچر باندې سيوا کيدونکې سائبر خطرات
ماهرينو مطابق ، خيبر نيټ ورک باندې دا ناکام هيکنګ ټوله نړۍ کښې ميډيا ادارو باندې سيوا شوي د سائبر خطرو عکاسي کوي، براډکاسټ نيټ ورکس د عوامي معلوماتو اهم ذرائع دي، چې لوجې ئې دا د تخريبي سائبر هلو ځلو ممکنه هدف جوړېدې شي ۔
د انډيا افغان هيکر نيټ ورک نشاندهي
د ابتدائي تکنيکي شواهد نه پته لګي چې د ناکام هيکنګ کوشش په ممکنه توګه افغانستان او بهارت نه کار کونکي د پاکستان دښمنه عناصرو يو مربوط نيټ ورک متعلق وو، سيکيورټي ماهرينو وئيلي چې ، هيکرز د پاکستان براډکاسټ سسټمز کښې د خنډ اچولو کوشش کړې، تکنيکي ټيمونو د حملې د ډيجيټل فنګر پرنټس مطالعه کړې او دا ئې باقاعده ليدلي دې دا يو اتفاقي سرګرمي بالکل نۀ وه، بلکه يو منظم کوشش وو، چې ميډېا خپرونو کښې مشکلات پيدا کړي، او د اولس اعتماد کمزورې کړي ۔
د تيارۍ او قيادت مظاهره
د ناکام هيکنګ دغه پيښه د خيبر نيټ ورک د تيارۍ، د ټيم ورک، او ذمه وار قيادت مظهر جوړ شويدې، د انتظاميې پرسکون او منظم رويئې، مضبوط تکنيکي نګرانۍ، او اداره جاتي تعاؤن د نيټ ورک نشرياتي نظام محفوظ ساتلې او کتونکو لپاره ئې بغير د ځنډ خدمات يعنې خپرونې جاري ساتل يقيني کړي دي ۔
