بنو هويد سيمه کښې په بکتر بند ګاډي خودکش چاودنه شوې، سيکيورټي فورسز دغه حمله ناکامه کړې ،او جوابي کاروائۍ کښې پنځه ترهه ګر وژلي شويدي، آئي ايس پي آر ترمخه حمله ناکامه کيدو وروستو ترهه ګرو د بارودو ګاډي د فورسز قافلې يو ګاډي سره جنګولې ،چې پکښې ليفټيننټ کرنل شهزاده ګل فراز او سپاهي کرامت شاه شهيدان شويدي ۔
د پاک فوج شعبه تعلقات عامه له لوري جاري بيان کښې وئيلي شوي چې د بنو په هويد سيمه کښې ترهه ګرو د سيکيورټي فورسز په قافله حمله کړې، کومه چې سيکيورټي فورسز ناکامه کړېده ۔
آئي ايس پي آر وئيلي چې سيکيورټي فورسز فوري جوابي کاروائي کړې ، کاروائۍ کښې پنځه ترهه ګر خپل انجام ته رسولي شويدي ۔
آئي ايس پي آر وئيلي چې حمله ناکامه کيدو وروستو ترهه ګرو د بارودو نه ډک ګاډي د سيکيورټي فورسز ګاډي سره جنګولې چې لوجې ئې زورداره چاودنه شويده ۔
چاودنه کښې د پاک فوج ليفټيننټ کرنل شهزاده ګل فراز او سپاهي کرامت علي شهيدان شويدي ۔
صدر مملکت آصف زرداري، وزيراعظم شهبازشريف او داخله محسن نقوي د ليفټيننټ کرنل شهزاده ګل فراز او سپاهي کرامت علي په مړېنه سخت خفګان څرګند کړې ۔
دوي وئيلي دي چې د پاک فوج ځوانانو قربانۍ د ټول قام لويه سرمايه ده، سياسي مشرانو دا هم وئيلي چې د روژې مياشت کښې معصومه خلقو باندې حملې کول د اسلام خدمت نۀ دې ، د دې ترهه ګرو اسلام سره هيڅ تعلق نيشته ۔
