د کراچۍ ايم اے جناح روډ باندې يو شاپنګ سنټر ګل پلازه کښې د اوور لګيدو افسوسناک پيښه مخې ته راغلې، چې پکښې شپږ کسان پحق رسيدلي او شل پورې ژوبل شويدي، ريسکيو عملياتو کښې د اوور په زياتره برخه قابو موندلې شويدې ۔
کراچۍ: شاپنګ پلازه کښې اوور لګيدو پيښې وروستو الغاؤ تلغاؤ جوړ شوې وو، زياتره خلقو نيزدې پلازې ته اودانګل او اووتل، ريسکيو ذرائع وائي چې دا پيښه د ګيس ليکيج لوجې مخې ته راغلې، په لږ ساعت کښې اوور د ګراؤنډ فلور نه دريم فلور پورې خور شوې وو ۔
فائر بريګيډ ټيم کښې شل پورې فائر ټينډرز او ګنړشمير اهلکار شامل دي، دغه رنګ د پاک نيوي او رينجرز اهلکار هم ريسکيو عملياتو کښې برخه اخلي ۔
چيف فائر آفيسر همايون خان مطابق په اوور به څو ګهنټو کښې قابو اوموندلې شي، ولې کولنګ عمل کښې درې څلور ورځې لګيدې شي ۔
مقامي سرچيني وائي چې ګل پلازه کښې لږ تر لږه دولس سوه پورې دکانونه دي، چې پکښې د کروړاؤ روپو سامانونه موجود دي، د يوې اندازې مطابق اوور پيښه کښې سل کروړ روپو پورې مالي نقصانات اوړيدلې دي ۔
