د سه فريقي سيريز دريم ميچ کښې پاکستان په اووۀ وکټو سري لنکا ته شکست ورکړېدې، د سري لنکا يو سل نهه ويشت رنز هدف قامي ټيم درې وکټو په زيان شپاړسم اوور کښې پورا کړي او ميچ ئې ګټلې دې، صاحبزاده فرحان شاندار اتيا رنز جوړ کړي ، درې اهم وکټې اخستو باندې محمد نواز د ميچ بهترين لوبغاړې ګرځولې شويدې ۔
پنډۍ کرکټ سټيډيم کښې لوبيدلې د سه فريقي ټي ټوينټي سيريز دريم ميچ کښې سري لنکا ټس ګټلو نه پس اول پخپله د بيټنګ فيصله کړې وه ۔
سري لنکا مقرره اوورز کښې اووۀ وکټو په زيان يو سل اتۀ ويشت رنز جوړ کړي وو، چې پکښې ټولو نه زيات جينت ليانګا يو څلويښت او کوسال پريرز پنځه ويشت رنز باندې آؤټ شوي وو ۔
پاکستان طرف محمد نواز شاندار بولنګ کړې وو او درې وکټې ئې اخستې وې ، سلمان مرزا ، فهيم اشرف او ابرار احمد يو، يو وکټ په خپل نوم کړې وه ۔
قامي ټيم مقرره هدف درې وکټو په زيان په شپاړسم اوور کښې پورا کړې او ميچ ئې ګټلې دې ۔
پاکستان طرف نه صاحبزاده فرحان شاندار بيټنګ کړې او په اتيا رنز ناټ آؤټ پاتې شويدې، صائم ايوب په شل ، بابراعظم شپاړس رنز جوړ کړي وو، عثمان په پنځه رنز ناټ آؤټ پاتې شوې او سلمان آغا په صفر آؤټ شوي وو ۔
شاندار او اهم درې وکټې اخستو باندې محمد نواز د ميچ د بهترين لوبغاړي اعزاز ورکړې شويدې ۔
