د سه فريقي ټي ټوينټي سيريز دوئم ميچ کښې زمبابوے په اووۀ شپيتۀ رنز سري لنکا ته شکست ورکړېدې، د زمبابوے يو سل ،درې شپيتۀ رنز هدف جواب کښې د سري لنکا ټول ټيم پنحه نوري رنز باندې آؤټ شويدې، د زمبابوے براډ ايوانز درې او رچرډ نيګراوا دوه وکټې اخستې دي ۔
پنډۍ کرکټ سټيډيم کښې لوبيدلې د سه فريقي ټي ټوينټي سيريز دوئم ميچ کښې سري لنکا ټاس ګټلو نه پس پخپله د فيلډنګ فيصله کړې وه ۔
زمبابوے ټيم مقرره اوورز کښې اتۀ وکټو په زيان يوسل، دوه شپيتۀ رنز جوړ کړي وو، چې پکښې ټولو نه زيات برائن بي نټ نهه څلويښت، او کپتان سکندر رضا اووۀ څلويښت رنز باندې آؤټ شوي وو ۔
سري لنکا طرف نه هسا رنګا درې او ايشان ملينګا دوه وکټې اخستې وې ۔
د يو سل دري شپيتۀ رنز هدف په تعاقب کښې د سري لنکا ټول ټيم مقرره اوورز کښې پنځه نوي رنز باندې آؤټ شوې او په اووۀ شپيتۀ رنز ئې ميچ بيللې دې ۔
سري لنکا طرف نه ټولو نه زيات دوسان شناکا څلور ديرش او راجا پاکسا يوولس رنز جوړ کړي وو ۔
زمبابوے لخوا براډ ايوانز څلور اوورز کښې نهه رنز ورکړي او درې وکټې ئې اخستې دي، رچرډ نيګراوا دوه وکټې په خپل نوم کړيدي ۔
شاندار اووۀ څلويښت رنز جوړولو او يو اهم وکټ اخستو په کارکردګۍ باندې د زمبابوے کپتان سکندر رضا د ميچ بهترين لوبغاړې ګرځولې شويدې ۔
