د وفاقي کابينې منظورۍ نه پس د اووۀ ويشتم آئيني ترميم مسوده سينيټ غونډه کښې پيش کړې شوې، دغه مسوده وزير قانون اعظم نذير تارړ وړاندې کړې وه، د وزير قانون په وينا د نوې آئيني ترميم مسوده بيا د سينيټ او قامي اسمبلۍ مشترکه قائمه کميټۍ ته هم لږلې شوې ، کميټۍ په آئيني مسوده غور کړې او دې دوران ترې اپوزيشن جماعتونو واک آوټ هم کړې ، د کميټۍ غونډۀ تر سبا ملتوي شويده ۔
اسلام آباد : د چيئرمين يوسف رضا ګيلاني په مشرۍ کښې د سينيټ اجلاس شوې چې پکښې وزير قانون اعظم نذير تارړ ايوان ته د اووۀ ويشتم آئيني ترميمي بل مسوده پيش کړېده ۔
په دې موقع خپله وينا کښې اعظم نذير تارړ په مجوزه ترميمي بل کښې شامل نکاتو باندې رڼا اچولې ده ۔
وروستو چيئرمين سينيټ دغه بل د قانون او انصاف قائمه کميټۍ ته سپارلې دې ،دې نه مخکښې وفاقي کابينې د بل د مسودې منظوري ورکړې وه ۔
سينيټ کښې پيش کيدو نه پس د اووۀ ويشتم آئيني ترميم مسوده د سينيټ او قامي اسمبلۍ مشترکه قائمه کميټۍ ته ليږلې، په دغه ډرافټ بحث نه پس د مشترکه کميټۍ اجلاس تر سبا ملتوي شويدې ۔
وزير قانون اعظم نذېر تارړ وئيلي چې سياسي جماعتونو آئيني ترميم کښې په بعضي نکاتو اعتراض کړې، دغه نکاتو باندې سل فيصده اتفاق نه پس به آئيني ترميم منظورولې شي ۔
اووۀ ويشتم آئيني ترميم کښې د چيف آف ډيفنس عهده آرمي چيف له ورکولو تجويز ورکړې شوې، د نوي مجوزه آئيني ترميم ترمخه د عسکري کمانډ متعلق معاملې به د قانون مطابق ريګوليټ وي ۔
د سپريم کورټ نه آئيني اختيارات وفاقي آئيني عدالت ته سپارلو تجويز هم دې ترميمي بل کښې شامل دې ۔
