متحده عرب امارات کښې جاري د ايشيا کپ اووم ميچ کښې کوربه ټيم روان ايونټ خښې خپل وړومبې ميچ ګټلې او عمان ته ئې په دوه څلويښت رنز شکست ورکړېدې، د يو اے اي يو سل دوه اوويا رنز تعاقب کښې د عمان ټول ټيم نورلسم اوور کښې آؤټ شويدې ۔
ابوظهبي کښې لوبيدلې د ايشيا کپ ټي ټوينټي ټورنامنټ اووم ميچ کښې عمان ټاس ګټلې وو او پخپله ئې اول د فيلډنګ فيصله کړې وه ۔
يو اے مقرره اوورز کښې پنحه وکټو په زيان يو سل دوه اوويا رنز جوړ کړي، چې پکښې ټولو نه زيات کپتان محمد وسيم نهه شپيتۀ او علي شان جارحانه يو پنځوس رنز باندې آؤټ شوي وو۔
د يو سل درې اوويا رنز هدف په تعاقب کښې د عمان ټول ټيم اتلس اعشاريه څلور اوورز کښې يو سل ديرش رنز باندې آؤټ شوې او په دوه څلويښت رنز ئې ميچ بيللې دې ۔
عمان لخوا ټولو نه زيات آريان بشټ څليريشت، جتندر سنګھ شل او ونايک شکلا هم شل رنز باندې آؤټ شوي وو، يو اے اي طرف نه جنيد صدر څلور، حيدر علي او محمد جواد الله دوه، دوه وکټې په خپل نوم کړې وې ۔
جارځانه يو پنځوس رنز جوړولو باندې د کوربه ټيم يو اے اي علي شان ته د ميچ د بهترين لوبغاړي انعام ورکړې شوې دې ۔
