ضلع ملاکنډ کښې د ترهه ګرو خلاف مسلسل څلور ورځې آپريشن دوران نهه ترهه ګر وژلي شوي او اتۀ ګرفتار شويدي، وژلي شوي او نيولي شوي ترهه ګرو قبضې نه درنه وسله او ډزيدونکي مواد هم ترلاسه کړې شوېدي، مقامي خلقو د سيکيورټى فورسز ترهه ګرو ختمون لپاره د دوي په کوششونو د اعتماد اظهار کړېدې ۔
د پاک فوج اطلاعاتو شعبې آئى ايس پى آر خپل بيان کښې وئيلي چې ملاکنډ کښې د ترهه ګرو د موجودګۍ په خفيه اطلاع څلور ورځې مسلسل آپريشن شويدې ۔
آئي ايس پي آر مطابق آپريشن دوران بهارتي حمايت يافته نهه ترهه ګر وژلي شوي او اتۀ نيولي شويدي، وژلي شوي او نيولي شوي ترهه ګرو قبضې نه درنه وسله او بارودى مواد هم ترلاسه شوىدي ۔
آئى ايس پى آر وئيلي چې شپاړسم نه تر شلمې جولائۍ پورې ملاکنډ کښې سيکيورټي فورسز ، پوليس ، ليويز ، سي ټي ډي او ضلعي انتظاميې سره په شريکه د ترهه ګرو خلاف آپريشن شوې دې ۔
آئي ايس پي آر مطابق د ترهه ګرو خلاف آپريشن ضلع ملاکنډ کښې د ترهه ګرو موجودګۍ په خفيه اطلاع کړې
چې پکښې سيکيورټى فورسز د ترهه ګرو ټهکانې هم تباه کړيدي ۔
آئى ايس پى آر زياته کړې چې مقامي خلقو د ترهه ګرو ختمون لپاره د دوي په کوششونو د اعتماد اظهار کړې او وئيلى ئې دي چې سيکيورټى فورسز سره کلک ولاړ يو ۔
بلخوا وزيراعظم شهبازشريف ملاکنډ کښې کامياب آپريشن باندې سيکيورټي فورسز ته خراج تحسين وړاندې کړې او وئيلي دي چې ملک نه به ترهه ګر په مکمله توګه ختمولې شي او دې لپاره ټول قام سيکيورټي فورسز سره کلک ولاړ دې ۔
