بنګله ديش اولني ټي ټوينټي ميچ کښې پاکستاني ټيم ته په اووه وکټو شکست ورکړې او سيريز کښې ئې يو صفر سره برتري ترلاسه کړېده، شير بنګله سټيډيم کښې لوبيدلې ميچ کښې د پاکستان يو سل يوولس رنز هدف کوربه ټيم درې وکټو په زيان پورا کړې او ميچ ئې ګټلې دې، شاندار شپږ پنځوس رنز جوړولو باندې د بنګله ديش پرويزحسين د ميچ بهترين لوبغاړې ګرځولې شويدې ۔
د پاکستان او بنګله ديش ترمينځ اولنې ټي ټوينټي ميچ کښې کوربه ټيم ټاس ګټلو نه پس پاکستان ته د بيټنګ بلنه ورکړې وه او پخپله ئې اول د فيلډنګ فيصله کړې وه ۔
قامي ټيم آخري اوور کښې يو سل لس رنز باندې آؤټ شوې وو، چې پکښې فخر زمان ټولو نه زيات څلور څلويښت رنز جوړ کړي وو، عباس آفريدي دوه ويشت، خوشدل شاه اوولس، صائم ايوب شپږ، محمد حارث څلور،کپتان سلمان آغا دري او حسن نواز په صفر آؤټ شوي وو ۔
بنګله ديش د يوسل يوولس رنز هدف شپاړسم اوور کښې درې وکټو په زيان پورا کړې او ميچ ئې ګټلې دې، بنګله ديش طرف نه پرويز حسين شاندار شپږ پنځوس رنز جوړولو سره ناټ آؤټ پاتې شوې او د ميچ د بهترين لوبغاړې اعزاز ئې اخستې دې ۔
د پاکستان او بنګله ديش ټيمونو ترمينځ درې ميچونو باندې مشتل سيريز دوئم ميچ به په دوه ويشتمه جولائۍ لوبيږي ۔
