پاکستان تحريک انصاف د مخصوص نشستونو نه محروم ، د سپريم کورټ غټه فيصله راغله، د سپريم کورټ آئيني بنچ د نظر ثانۍ درخواستونه منظور کړي او د پي ټي آئي ته دغه نشستونه ورکولو په حواله د سپريم کورټ دولسمي جولائي فيصله ئې کالعدم ګرځولې ده، فيصله کښې وئيلي شوي چې پي ټي آئي د مخصوص نشستونو حقدار نه ده، دا فيصله د پنځه ججانو مقابله کښې د اووه ججانو اکثريت په بنياد اورولې شويده ۔
اسلام آباد: د مخصوص نشستونو په معامله سپريم کورټ د مسلم ليګ ن ، پيپلز پارټئ او اليکشن کميشن آف پاکستان د نظر ثانۍ درخواستونه منظور کړي، عدالت د پيښور هائيکورټ فيصله برقرار ساتلې ، او پي ټي آئي ته مخصوص نشستونو ورکولو په اړه ئې د سپريم کورټ د بنچ د دولسمې جولائۍ فيصله ئې کالعدم ګرځولې ده ۔
د سپريم کورټ اآئيني بينچ مشر جسټس امين الدين خان مختصر فيصله اورولې ده، سپريم کورټ د پنځه په مقابله کښې اووه اکثريت سره نظرثانۍ درخواستونه منظور کړي ۔
دي فيصلے سره پي ټي آئي د مخصوص نشستونه نه محروم شوي، او دا نشستونه به اوس ن ليګ، پيپلز پارټي، جے يو آئي او پارليمان کښې موجود نور سياسي جماعتونو ته ورکولې شي ، چې ورسره به وفاقي کښې اتحادي حکومت ته دو تهائي اکثريت هم ميلاؤ شي ۔
واضحه دي وي چي تير کال په څوارلسم مارچ پيښور هائيکورټ مخصوص نشستونو متعلق د سني اتحاد کوسنل درخواستونه خارج کړي وو ۔
