تيره ورځ جنوبي وزيرستان کښې شهيد شوې د پاک فوج ميجر سيد معيز عباس شاه جنازې مونځ ادا کړې شوې، جنازه کښې فيلډ مارشل عاصم منير ، وفاقي وزيرداخله محسن نقوي او يوشمير نورو چارواکو ګډون کړې دې ۔
د پاک فوج اطلاعاتو شعبې آئي ايس پي آر له لوري جاري شوې بيان مطابق د ميجر سيد معيز عباس شاه جنازے مونځ چکلاله کيريژن راولپنډي کښې ادا کړې شوې ۔
آئي ايس پي آر وئيلي چې په دې موقع فيلډ مارشل عاصم منير، ميجر معيز عباس شاه شهيد ته د عقيدت پيرزونې وړاندې کړي او وئيلي دي چې ميجر معيزعباس ډيوټۍ دوران شهيد شوې او د حب الوطنۍ، قربانۍ او بهادرۍ لوئې مثال ئې قائم کړېدې ۔
چيف آف آرمي سټاف فيلډ مارشل عاصم منير مخکښې وائي چې فوج او قوم د شهيد ميجر کورنې سره ولاړ دي، د شهيدانو وينه د قوم د طاقت بنياد دې ۔
ياده دې وي چې تيره ورځ جنوبي وزيرستان سراروغه کښې ترهه ګرو سره مقابلې دوران ميجر معيز عباس شاه او لانس نائيک جبران الله شهيدان شوي وو ۔
