ایران په قطر او عراق کښې د امریکې په هوائي اډو ميزائل حملې کړې، د قطر په سرښاردوحه کښې د چاودنو آوازونه اورېدلې شوي ،د امریکې د یوې خبرې ویب پاڼې مطابق ایران د قطر العديد ائيربيس په شپږ بيلسټیک ميزائل ویشتې ،ايران په خپل جوهرى تنصيباتو د امريکي حملو په جواب کښې عراق کښې د امريکې فوجي اډې په نښه کړي ،د ايرانى ميډيا مطابق ايران خطه کښې موجود امريکائي فوجي اډو خلاف دې آپريشن له د بشارت فتح نوم ورکړې دې ۔
ايران وئيلي دي چې امريکې او اسرائيل ته به د هرې حملې جواب ورکولې شي ، ايران د قطر سرښار دوحه کښې د امريکې د ټولو نه لوئې ائيربيس العديد په نښه کړې ۔
وئيلى کيږى چې العديد ائيربيس کښې لس زره پورې امريکې پوځيان موجود دي ،بلخوا قطر وئيلي چې ايراني ميزائل حمله کښې ځاني زيان نۀ دې شوې ۔
ايران قطر سره کويت او عراق کښې هم د امريکې په اډو حملې کړيدي ، دې سره سعودى عرب کښې د امريکې په اډه کښې سائرن وهلې کيدل شروع شويدي ۔
د ايران پاسداران انقلاب په دوحه ، کويت، بحرين او عراق د حملې تصديق کړې او وئيلي دي چې په ايران د شوې هر حملې جواب به ورکولې شي ۔
بلخوا د امريکې صدر ډونلډټرمپ د خپل فوجي قيادت مهمه غونډه رابللې او د متحده عرب امارات فضائي حدود بند کړې شويدي ۔
قطر د ايراني حملو مذمت کړې او وئيلي دي چې مونږ د ايراني حملو جواب حق لرو، ايراني حملو کښې ځاني زيان نۀ دې شوې ۔
