وزيراعلیٰ علي امين ګنډاپور وئيلي دي چې د باني پي ټي آئي په حکم به يو منټ کښې اسمبلۍ ماتوم، د صوبې ګورنر بجټ پاس کيدو خلاف سازشونه کوي، بجټ منظورۍ کښې به د باني پي ټي آئي هداياتو مطابق تبديلي کولې شي، وزيراعلیٰ عام انتخاباتو کښې د دهاندلۍ اعتراف باندې د پنډۍ کمشنر ته پهانسي ورکولو مطالبه کړې او وئيلي دي چې درې صوبو او وفاق کښې زمونږ د مينډيټ غلا شوې، د پښتونخوا اولس خپل مينډيټ غلا کولو نه په خپل زور بچ کړېدې ۔
د خېبر پښتونخوا اسمبلۍ ته خطاب کښې وزيراعلیٰ علي امين ګنډاپوروئيلي دي چې په اتمه فرورۍ ديو سازش لاندې د پي ټي آئي په مينډيټ ډاکه اچولې شوې وه او فارم سينتاليس واله ته حکومت ورکړې شوې وو ۔
علي امين ګنډاپور اووئيل چې د اليکشن ګټلو وروستو مونږ په خېبر پښتونخوا کښې حکومت جوړکړې وو، کله چې مونږ اختيار ترلاسه کړو نوصوبه کښې د اتلس ورځو تنخواه ګانو لپاره پيسۍ موجود وې ۔
هغه اووئيل چې مونږ خپل دور حکومت کښې صوبه په معاشي توګه مضبوطه کړې او آمدن مو هم سيوا کړې دې ،ولې زمونږ دحکومت خلاف د سازشونو سلسله تراوسه روانه ده، د صوبې ګورنر بجټ پاس کيدو خلاف سازشونه کوي ۔
وزيراعلیٰ اووئيل چې دوه صوبائي اسمبلۍ تحليل کولو نه پس فيصله کونکو اوقابض مافيې آئين مات کړې، آئين ماتونکي په غلطه دي چې د دوي احتساب به نۀ کيږي ،کۀ څوک ګڼې چې دوي به آئين ماتوي او د دوي احتساب بۀ نۀ کيږي، نو دوي په غلطه دي ۔
د علي امين ګنډاپور وينا وه چې خېبر پښتونخوا کښې د امن و امان صورتحال خرابولو کښې دوي هيڅ کسر نۀ دې پريښودې،د خېبرپښتونخؤا خلقو په خپل زور خپل مينډيټ د غلا نه بچ کړېدې، صوبه کښۀ به د مالي ايمرجنسي نافذولو يو سازش هم کاميابۍ ته نۀ پريږدي ۔
