د پاکستان سپر ليګ لسم ايډيشن په اتلسم ميچ کښې د ملتان سلطانز نوي رنز هدف کوئټي ګليډي ايټرز اووم اوور کښې بغير د څه زيان نه پورا کړي او ميچ ئې ګټلې دې ۔
لاهور کښې لوبيدلې ميچ کښې کوئټه ګليډي ايټرز ټاس ګټلې وو او د فيلډنګ فيصله ئې کړې وه، د ملتان سلطانز ټول ټيم اوولسم اوور کښې نهه اتيا رنز باندې آؤټ شوې، چې پکښې کپتان محمد رضوان ټولو نه زيات څلور څلويښت رنز جوړ کړي وو او ناټ آؤټ پاتې شوې وو ۔
محمد رضوان د پي ايس ايل اولنې بېټر جوړ شوې چې بېټ کيري ئې کړېده، يعنې اوپننګ ته راغلې وو، ټول لوبغاړي ترې آؤت شول او هغه آخره کښې ناټ آؤټ واپس تلې وو ،محمد رضوان نه علاوه د سلطانز يو لوبغاړې هم ډبل فګر کښې نۀ دې داخل شوې ۔
کوئټه ګليډي ايټرز لخوا خرم شهزاد شاندار باولنګ کړې او څلور وکټې ئې په خپل نوم کړې وې، فهيم اشرف او وسيم جونيئر دوه، دوه وکټې اخستې وې ۔
کوئټه ګليډي ايټرز د نوي رنز هدف اووم اوور کښې بغير د څه نقصان پورا کړې او په لوئې مارجن ئې ميچ کښې کاميابي ترلاسه کړيده، فِن ايلن پنځه څلويښت او کپتان سعود شکيل په دوه څلويښت رنز ناټ آؤټ پاتې شوي وو ۔
شاندار څلور وکټې اخستو باندې د کوئټي ګليډي ايټرز خرم شهزاد د ميچ بهترين لوبغاړې ګرځولې شوې دې ۔
