کراچۍ کښې خبري غونډې ته وينا کښې د افغان ټيم کپتان حشمت الله شاهدي اووئيل چې ميډېا کښې ښودلې کيږې چې ګنې افغانستان کښې د کرکټ سهوليات نيشته، ولې داسې بالکل نۀ ده ۔
هغه اووئيل چې افغانستان کښې د لوبو هر قسمه سهوليات موجود دي، د سيکيورټي مسئلې دي، چې دا ختم شي نو طمع ده چې ډير زر به افغانستان کښې نړيوال ټيمونه لوبيږي ۔
حشمت الله شاهدي اووئيل چې افغانستان کښې مقامي ميچونو دوران مينه وال ډير ګنړ شميره کښې ګراونډ ته راځي ، چې کله بهرملکي ټيمونه افغانستان ته راشي نو ورله به معلومه شي چې افغانان کرکټ سره څومره مينه لري ۔
د افغان ټيم کپتان اووئيل چې پاکستان کښې هم ډېر افغانان ميشتۀ دي او د پاکستان ډير پښتانۀ هم زمونږ ټيم ډېر سپورټ کوي،پاکستان کښې ميچ دوران پاکستاني مينه وال زمونږ په حق کښې نعرې وهي، کومه چې ډيره د خوشحالۍ خبره ده ۔
