د افغان حکومت وياند ذبيح الله مجاهد اسلامي امارت په رسميت پيژندلو په حواله د روس د فيصلې هرکلې کړې او دا ئې د افغانستان سفارتي او سياسي ګټه بللې ده، ذبيح الله مجاهد د امريکې او نور ملکونو نه افغان حکومت د تسليمولو مطالبه هم کړيده،بلخوا بشري حقونو لپاره د متحده قامونو استازي رچرډ بېنېټ د روس په فيصله د تحفظاتو اظهار کړېدې ۔
د افغانستان يوې خبرې ادارے سره مرکه کښې افغان حکومتي ترجمان ذبيح الله مجاهد وئيلي دي چې روس لخوا اسلامي امارت تسليمول مهم پرمختګ دے ۔
د افغانستان د عبوري حکومت ترجمان مخکښې اووئيل چې دې فيصلې سره به د افغانستان او نړۍ ترمينځ د سفارتي تعلقاتو د نوې دور آغاز وشي ۔
ذبيح الله مجاهد زياته کړې چې اسلامي امارت د ټولو ملکونو سره ښه تعلقات قائمول غواړي طمع لرو چې امريکه به هم افغان دولت په رسميت وپيژني ۔
بلخوا د بشري حقونو لپاره د متحده قامونو خصوصي استازي رچرډ بېنيټ د روس لخوا افغان حکومت تسليمولو په فيصله د مايوسۍ اظهار کړېدې ۔
خپل يو بيان کښې رچرډ بېنېټ وئيلي دي چې په زنانو بنديزونه ختمولو او د بشري حقونو د احترام باور ورکولو نه بغير د طالبانو حکومت په رسميت منل نه وو پکار ۔
