ټي ټوينټي ورلډ کپ کښې يو ځل بيا قامي ټيم د سيمي فائنل زغل نه بهر شويدې، پاکستان ته د دوه سوه دولس رنز جواب کښې د سري لنکا ټيم يو سل اووۀ څلويښت رنز باندې آؤټ کول وو ،ولې کوربه ټيم هم شانداره لوبه کړې او مقرره اوورز کښې ئې دوه سوه ، اووۀ رنز جوړ کړيدي، قامي ټيم په پنځه رنز د ميچ ګټي باوجود د سيمي فائنل نه پاتې شويدې، د قامي ټيم ناکامۍ نه پس د نيوزي لينډ ټيم سيمي فائنل ته کواليفائي کړيده ۔
د سري لنکا پالے کلے سټيډيم کښې جاري ميچ کښې پاکستان اول بيټنګ کړې او مقرره اوورز کښې ئې اتۀ وکټو په زيان دوه سوه ، دولس رنز جوړ کړي وو ۔
پاکستان طرف نه اوپنر بېټرز صاحبزاده فرحان او فخرزمان شاندار بيټنګ کړې وو ، صاحبزاه فرحان په سل رنز او فخر زمان په څلور اتيا رنز آؤټ شوي وو ۔
خواجه نافع دوه، شاداب خان اووۀ، محمد نواز او کپتان سلمان آغا په صفر، شاهين شاه آفريدي څلور او عثمان خان اتۀ رنز جوړ کړي وو،سري لنکا لخوا دلشان درې او شناکا دوه وکټې په خپل نوم کړې وې ۔
د مطلوبه هدف په تعاقب کښې سري لنکا ټيم مقرره اوور کښې شپږ وکټو په زيان دوه سوه، اووۀ رنز جوړ کړې او په پنځه رنز ئې ميچ ګټلې، چې ورسره قامي ټيم د سيمي فائنل د زغل نه پاتې شويدې ۔
قامي ټيم ته د سري لنکا ټيم يو سل ، اووۀ څلويښت رنز پورې محدود ساتل وو،او په څلور شپيتۀ رنز ميچ ګټل لازمي وو، ولې دغه ناکامۍ سره اوس د نيوزي لينډ ټيم سيمي فائنل ته کواليفائي کړيده ۔
پاکستان طرف نه ابرار احمد درې، شاهين شاه، نسيم شاه او محمد نواز يو، يو وکټ اخستې، د سري لنکا کپتان دسون شناکا شاندار او جارحانه شپږ اوويا او پوان رتهناياکے اتۀ پنځوس رنز جوړ کړي وو ۔
