اسلام آباد کښې د امريکائي سفارتخانه کښې د امريکې دوه سوه پنځوستم آزادي ورځ نمانځلې شوې، دې لړ کښې شوې دستوره کښې وزيراعظم شهبازشريف او وفاقي وزيرانو ګډون هم کړې، خپله وينا کښې وزيراعظم وئيلي چې د صدر ټرمپ لوجې تير کال د پاکستان او بهارت جنګ بندي شوې وه، امريکائي صدر به د امن داعي په توګه تل ياد ساتلې شي ۔
اسلام آباد: د امريکې يومِ آزادۍ استقباليه دستورې ته وينا کښې وزيراعظم شهبازشريف د پاکستان حکومت او اولس طرف نه صدر ټرمپ ،امريکې انتظاميې او پاکستان کښې د امريکې ناظم الامور پشمول نور چارواکو ته د يوم آزادۍ اومبارکي ورکړېده ۔
وزيراعظم مخکښې وئيلي دي چې د امريکې تاريخ د اميد او روشن خيالۍ يو داستان دې، د دواړو ملکونو اړيکې اتۀ لسيزو باندې محيط دي ۔
د وزيراعظم وينا وه چې پاکستان او امريکې ترمينځ د ترهه ګرۍ مخنيوي، تجارت او سرمايه کارۍ شعبه بهترين تعلقات دي ، امريکۀ هاغه اولني ملکونه کښې شامله وه چې آزادۍ نه پس ئې پاکستان تسليم کړې وو ۔
وزيراعظم شهبازشريف زياته کړې چې پاکستان د يو دريم ګړي په حيث د امريکې او ايران ترمينځ جنګ خاتمې لپاره مخلصانه کوششونه کوي د اعتماد اظهار باندې د امريکې شکر ګزار يو ، او دا چې فيلډ مارشل منطقه کښې د امن کوششونو کوي ، کوم چې د ستائنې وړ دي ۔
