ايران سره د مستقل جنګ بندۍ مذاکراتو لپاره د امريکې نائب صدر جے ډي وينس مشرۍ کښې امريکائي اعلیٰ پائې وفد اسلام آباد ته رارسيدلې دې ، دغه وفد کښې جے ډي وينس سره سره سټيو وټکوف او جيرډ کشنر هم شامل دي ۔
د اسلام اباد په نورخان ايئر بيس د امريکائي نائب صدر جے ډي وينس استقبال نائب وزيراعظم اسحاق ډار ، چيف آف ډيفنس فورسز فيلډ مارشل عاصم منير ، وزير داخله محسن نقوي او نورو چارواکو کړې دې ۔
ايران سره مذاکراتو لپاره د پاکستان په دوره راغلې د امريکې وفد کښې امريکائي نائب صدر جے ډي وينس، سټيو وټکوف او جيرډ کشنر هم شامل دي ۔
پاکستان روانګۍ نه وړاندي امريکائي نائب صدر جے ډي وينس ميډيا سره خبرو پر مهال طمع څرګند کړې چې اسلام آباد کښې کيدونکي مذاکرات به مثبت وي ۔
نائب وزيراعظم او خارجه وزير اسحاق ډار د امريکائي وفد هرکلې کړې او د پائيدار علاقائي او نړيوال امن و استحکام لپاره ئې د امريکې پاکستان ته راتګ ستائلي دي ۔
نائب وزيراعظم اسحاق ډار طمع څرګند کړې چې ټول فريقين به تعميري مذاکرات کوي، او وئيلي دي چې پاکستان به د شخړې پائيدار او اوږد مهاله حل لپاره فريقين ترمينځ سهولت کاري جاري ساتي ۔
