پيښور پشمول صوابۍ او شانګله کښې د تيز باران او طوفان لوجې ځاني او مالي نقصانات رامخې ته شوي، صوابۍ او شانګله کښې مختلفو پيښو دوران دوه کسان پحق رسيدلي او زنانه پشمول پنځه کسان ژوبل شويدي، بلخوا طوفان لوجې ګاډو، کورونو، ونو او نورو ودانو ته زيان رسيدلې، د باران لوجې سيلابي اوبۀ په سړکونو راغلي او د ټريفک نظام متاثره شويدې ۔
صوابۍ زيارت چم باجا او شهيدآباد کښې طوفاني باران شوې، چې پکښې کورونو چهتونه او ديوالونه پريوتې دي، چهت پريوتو پيښې کښې مور او ځوې د ملبے لاندې شوي وو، څوکچې مقامي خلقو راويستي او په ژوبل حالت کښې ئې نيزدې هسپتال ته منتقل کړيدي ۔
دغه رنګ بله پيښه د صوابۍ شهيد آباد کښې مخې ته راغلې چرته چې طوفاني باران لوجې د کور ديوال پريوتې چې پکښې دوه کلن ماشوم پحق رسيدلې دې ۔
بلخوا دشانګلې بشام شنګ لوسر سيمه کښې هم طوفانې باران کښې آسماني تندر راپريوتې چې پکښې يو تن پحق رسيدلې دي ۔
د پيښور کلي والو سيمو اچينۍ بالا او متنو کښې د ډير باد و باران لوجې دکورونو چهتونه پريوتې چې پکښې درې تنان سخت ژوبل شويدي ۔
بلخوا موسمياتو محکمې راتلونکي شواروز دوران د خېبرپښتونخوامختلفو سيمو، اسلام آباد،پنجاب،بلوچستان،ګلګت بلتستان اوکشميرکښې ځائې په ځائې د نور باران امکان څرګند کړېدې ۔
نيشنل ډيزاسټر مينجمنټ اتهارټي يعنې اين ډي ايم اے متعلقه ادارو ته پيشګي اقدامات پورته کوؤلو هدايات هم کړي دي ۔
