باجوړ ماموند کښې د نامعلومه کسانو ډزو دوران ايف سي اهلکار بشمول دوه کسان پحق رسيدلي دي، بلخوا خار بازار کښې په مين چوک کښې هم يو کس په ډزو قتل شوېدې، بلخوا خار بازار کښې ډزو پيښې خلاف تاجرانو او عام خلقو سخت احتجاج کړې او د امنيت ټينګ ساتلو غوښتنه ئې هم کړېده ۔
باجوړ: ماموند ترخو خورګئۍ علاقه کښې د نامعلومه کسانو ډزو دوران دوه ايف سي اهلکارو پشمول درې کسان ژوبل شوي وو ، ژوبل کسان په فوري توګه هسپتال ته رسولي شوي وو ۔
هسپتال کښې يو عام کس عمر او اجمل نومې ايف سي اهلکارو ساه ورکړې ،باجوړ پوليس چارواکو وئيلي چې د پيښې پلټنې شروع دي ، علاقه کښې سرچ آپريشن هم شوې دې ۔
بلخوا باجوړ خار بازار مين چوک کښې په رڼا ورځ يو کس نامعلومه کسانو په ډزو وژلې دې ، دې پيښې وروستو بازار کښې ويره ترهه خوره شويده ۔
بلخوا د باجوړ د خار بازار تاجرانو د نامعلومو کسانو د ډزو د پېښې پر ضد د خار په مرکزي چوک کښې احتجاجي مظاهره کړې ده ۔
مظاهرچيانو د پوليس او نورو امنيتي ادارو نه مطالبه کړې چې په خار بازار کښې د سوداګرو او عام وګړو د سر او مال بشپړ امنيت دې يقيني کړې شي او د امنيت د ټينګښت لپاره دې کوټلې ګامونه پورته کړې شي ۔
