د پاک فوج اطلاعاتو شعبې آئي ايس پي آر له لوري جاري شوې بيان کښې وئيلي شوي چې سيکيورټي فورسز د ډي آئي خان سيمې کلاچي کښې آپريشن دوران پينځه ترهه ګر وژلي دي، چې پکښې شاه ګل عرف روحانې هم شامل دې ۔
آئي ايس پي آر مطابق سيکيورټي فورسز د شمالي وزيرستان دوسلي او تپي علاقو کښې هم کاروائي کړې چې پکښې انښتې دوران پينځه وسله وال وژلي شويدي ۔
آئي ايس پي آر خپل بيان کښې وئيلي چې لکي مروت کښې هم آپريشن شوې چې پکښې دوه ترهه ګر وژلي شوي، او د ضلع خېبر په باغ علاقه کښې ډزو په بدلون کښې يو ترهه ګر وژلې شوېدې ۔
آئي ايس پي آر وائي چې وژلي شوي ترهه ګرو ولقې نه وسله او ګوله بارود برآمد شويدي، ترهه ګر سيکيورټي فورسز باندې حملو او عامو خلقو په وژنې کښې ککړ وو ۔
آئي ايس پي آر زياته کړې چې په علاقه کښې د ممکنه ترهه ګرو خاتمے لپاره کليئرنس آپريشن روان دې، سيکيورټي فورسز ملک نه د ترهه ګرۍ لعنت خاتمے لپاره پرعزم دي ۔
