فيلډ مارشل عاصم منير وئيلي دي چې رياست هرکال سيلابونو دوران قيمتي انساني او مالي زيان برداشت کوؤلې نشي، هغۀ د سيلاب نقصاناتو جائزې او بيا بحالې لړ کښې د سول او ملټري بهرپور همکارۍ باندې زور هم راوړې دې ۔
د پاک فوج تعلقات عامه ادارې له لوري جاري شوې بيان کښې وئيلي شوي چې فيلډ مارشل سيد عاصم منيرپنجاب کښې د سيلابونو نه متاثره سيمو دوره کړې او دې دوران ئې د ريسکيو کاروائيانو جاج هم اخستې دې ۔
آئي ايس پي آر مطابق فيلډ مارشل سيلابونو نه زيات متاثره شوي سيمو قصور سيکټر، جلالپور، ، پير واله او ملتان کښې فلډ ريليف کيمپ دورې هم کړي او په دې موقع ورله ريسکيو کاروائيانو باندې تفصېلي برفنګ هم ورکړې شويدې ۔
آئي ايس پي آر وائي چې فيلډ مارشل د لاهور، قصور، ملتان جلال پور سيلاب متاثره سيمو فضائي جائزه اخيستې، او د نقصانانو او متثره سيمو کښې د سيلاب ځپلو انخلا په اړه خبر کړې شويدې ۔
آرمي چيف په دې موقع سيلاب ځپلو خلقو او ريسکيو کاروائيانو کښې مصروف اهلکارانو سره هم جدا جدا ملاقاتونه کړي، د هغوي کردار ئې ستائلې او خطاب ئې هم کړېدې ۔
آئي ايس پي آر وائي چې فيلډ مارشل د غوره طرز حکمرانۍ او انساني ترقې په اهميت زور راوړې، او وئيلي دي چې سيلاب متاثرين ستونزې حل کوؤلو لپاره سول او فوجي ادارو ترمينځ همکاري سيوا کول لازم دي ۔
د فيلډ مارشل سيد عاصم منير وينا وه چې سيلاب تباه کارو نه بچ کيدو لپاره درکاري انفراسټرکچر ډي ويلپمنټ پشمول ټولې امدادي هلې ځلې به تيزول وي ۔
فيلډ مارشل مخکښې اووئيل چې رياست هرکال سيلابونو دوران قيمتي انساني او مالي زيان نشي برداشت کولې ۔
