د پي ايس ايل لسم ايډيشن فائنل ميچ لپاره د انتظار وخت ختم شويدې، سبا به د ميګا ايونټ فائنل د لاهور قلندرز او کوئټه ګليډې ايټرز ترمينځ لوبيږي ۔
د ميګا ايونټ فائنل ميچ به هم ماښام اووه نيمې بجې شروع کيږي، کوئټه ګليډي ايټرز د ټورنامنټ اولني کواليفائر کښې اسلام آباد يونائټډ ته شکست ورکړې وو او فائنل ته رسيدلې وو ۔
دوئم کواليفائر کښې تيره ورځ لاهور قلندر په شپږ وکټو کراچي کنګز ته ماتې ورکړې وه او د ميګا ايونټ فائنل ته ئې کواليفائي کړې وه ۔
د لاهور قلندرز ټيم کپتان شاهين شاه آفريدي او د کوئټه ګليډي ايټرز کپتان سعود شکيل دعوې کړي چې ټرافي به خپل نوم کوي ۔
