سرکاري ذرائعو وئيلي چې کرامه کښې د فريقينو د مورچو ختمو سلسله جاري ده او تردې دمه د دواړو فريق يو سل څليريشت مورچې ختم کړې شويدي ۔
وئيلي کيږي چې دغه مورچې به د کرمې فريقينو د يو بل خلاف انښتو کښې استعمالولې ، کومې چې ړنګولې شي، او دا ټولې مورچې به په مکمله توګه ختمولې شي ۔
ذرائعو وئيلي چې کرمې ته د خوراکي او نور ضروري سامان رسولو لړۀ هم دوام لري او اوسه پورې د اتۀ سوه دري پنځوس ګاډو باندې مشتمل قافلې رسولې شويدي ۔
سرکاري ذرائعو مخکښې وئيلي چې بلخوا د بګن سيمې تزين و آرائش عمل هم تيزۍ سره جاري دې او د سيمې متاثرينو سره د مالي امداد سلسله هم جاري ده ۔
