ګلګت بلتستان کښې دعام انتخاباتو د پولنګ عمل مکمل شوې او د ووټونو د شميره جاري ده ، اليکشن کميشن ترمخه د اسمبلۍ څليريشت سيټونو باندې د څلور سوه،درې اميدوارانو ترمينځ مقابله ده، نهه لکه، اته پنځوس زره او څلور سوه اتيا ووټران خپله حق رائے دهي استعمال کړې ۔
ګلګت بلتستان انتخاباتو لپاره د پولنګ عمل سحر اتۀ بجې شروع شوې وو، کوم چې مازيګر پنځه بجو پورې بغير وقفې جاري وو ۔
اليکشن کميشن وئيلي دي چې د ګلګت بلتستان اسمبلۍ څليريشت نشستونو لپاره په مجموعي توګه نهه لکه ، اتۀ پنځوس زره ووټرانو د ووټ په ذريعه خپل حق استعمال کړېدې ۔
څه د پاسه څلور سوه اميد واران انتخابي ميدان کښي مقابله کوي ، پيپلز پارټي دري ويشت ، مسلم ليګ ن دوه ويشت ، استحکام پاکستان پارټۍ پنځلس ،پاکستان مسلم ليګ يوولس ، جے يو آئي نهه ، ايم ډبليو ايم اووۀ ، جماعت اسلامي او ايم کيو ايم شپږ شپږ اميدواران مقابله کوي ۔
دغه شان دوه سوه ، شپږ شپيته آزاد اميدواران هم انتخاباتو کښې برخه اخلي ۔
ګلګت بلتستان اسمبلۍ انتخاباتو په موقع د سيکيورتي سخت ګامونه پورته کړې شوي ، مقامي پوليس او جي بي سکاوټس تعينات کړے شوي ۔
ذرائعو د پنجاب لس زره او نورو صوبو نه هم يو شمير پوليس اهلکار هم ګلګت بلتستان کښې اليکشن دوران ډيوټي ترسره کوي او دغه اهلکاران به نتائج راتلو پورې موجود وي ۔
