د ټي ټوينټي ورلډ کپ ګروپ ميچ کښې بهارت يوځل بيا پاکستاني ټيم ته ماتې ورکړيده، د بهارت يو سل ، شپږ اوويا رنز هدف په جواب کښې پاکستان اتلس اوورز کښې يو سل څوارلس باندې آؤټ شوې، او ميچ ئې يو شپيتۀ رنز باندې بيللې دې، پاکستان طرف نه ټولو نه زيات عثمان خان څلور څلويښت او شاهين شاه آفريدي دري ويشت رنز جوړ کړيدي ۔
د سري لنکا کولمبو سټيډيم کښې لوبيدلې د ټي توينټي ورلډ کپ په اووۀ ويشتم ميچ کښې د پاکستان ټيم کپتان سلمان علي آغا ټاس ګټلې او د فيلډ نګ فيصله ئې کړې وه ۔
بهارتي ټيم مقرره اوورز کښې اووۀ وکټو په زيان يوسل، پنځه اوويا رنز جوړ کړي وو ، چې پکښې ټولو نه زيات ايشان کشن اووۀ اوويا رنز باندې آؤټ شوې وو ۔
د بهارت نور بېټرز کښې کپتان سوريا کمار ياديو دوه ديرش، شيوام دوبے اووۀ ويشت، تيلک ورما پنځه ويشت او ابهيشک شرما او هارديک پانډيا په صفر آؤټ شوي وو ۔
پاکستان طرف نه صائم ايوب درې، سلمان علي آغا، شاهين شاه آفريدي او عثمان طارق يو، يو وکټ په خپل نوم کړې وې ۔
د مقرره هدف په تعاقب کښې د پاکستان ټول ټيم اتلس اوورز کښې صرف په يو سل، څوارلس رنز آؤټ شوې او په يو شپيتۀ رنز ئې ميچ بيللې دې ۔
پاکستان طرف نه عثمان خان ټولو ټولو نه زيات څلور څلوريښت او شاهين شاه آفريدي دري ويشت رنز جوړ کړي وو ۔
د قامي ټيم نور ټول بيټرز بهارت خلاف يو ځل بيا ناکامه شوي، صاحبزاده فرحان صفر، صائم ايوب شپږ، کپتان سلمان آغا څلور، بابراعظم پنځه ، شاداب خان څوارلس، محمد نواز څلور، فهيم اشرف لس، ابرار احمد او عثمان طارق په صفر آؤټ شوي وو ۔
بهارت طرف نه هارديک پانډيا، جسپرټ بومراه، ايکسر پټيل او ورون چکرورتي دوه، دوه وکټې په خپل نوم کړيدي، شاندار اووۀ اوويا رنز جوړولو باندې د بهارت ايشان کشن د ميچ بهترين لوبغاړي ګرځولې شويدې ۔
پاکستان خلاف ميچ ګټلو سره بهارت د ميګا ايونټ سپر ايټ مرځحلې ته رسيدلې ، ولې قامي ټيم ته دغه مرحلې ته رسيدو لپاره به په اتلسمه فرورۍ نميبياخلاف ميچ ګټل وي ۔
ميچ نه وړاندې کولمبو کښې د پاکستان او بهارت میچ نه مخکښې د پي سي بي چیئرمین محسن نقوی د کرکټ ټیم لوبغاړو او مینجمنټ سره ملاقات کړې ۔
چیئرمین پی سي بي محسن نقوي د لوبغاړو حوصله افزائي کړې ، د هغوي عزم او جذبه ئي ستائلې ، او د قومي کرکټ ټیم لپاره ئې نېکې هیلي څرګندې کړې ۔
ملاقات کښې کپتان سلمان علی آغا، هیډ کوچ مایک هیسن، مینجر نوید اکرم چیمه، ټول لوبغاړي او کوچنګ سټاف حاضر وو،دې نه علاوه د پی سی بي چیف آپریټنګ افسر سمیر احمد، د پي ایس ایل چیف ایګزیکټیو افسر سلمان نصیر او د میډیا ډایرکټر عامر میر هم موجود وو ۔
