سينيټ او قامي اسمبلې مشترکه کميټي برائے قانون و انصاف د آئين آرټيکل دوه سوه درې څلويښتم باندې تفصيلي مشاورت وروستو تراميم منظوري ورکړې، اجلاس کښې د حکومت اتحادي ډلو لخوا درې نور تراميم پيش کړي شوي، سرچينې وائي چې د خېبر پښتونخوا نوم بدلولو د اے اين پي او د بلوچستان کښې د صوبائي اسمبلۍ نشستونو سيوا کولو په تراميم حکومت نور وخت غوښتې دې، په دواړو اضافي تراميم به سبا حتمي فيصله کولې شي ۔
اسلام آباد: د سينيټ او قامي اسمبلۍ قائمه کميټو برائے قانون و انصاف مشترکه اجلاس ته د حکومت اتحادي ډلو لخوا درې نور تراميم وړاندې کړې شويدي ۔
سرچينو مطابق مجوزه اووۀ ويشتم آئيني ترميم د پارليمنټ کښې پيش کړې شوې، په ډرافټ مشاورت عمل مکمل کړې شويدې، په اضافي تراميم به سبا پورې حتمي فيصله اوشي، اے اين پي ، بي اين پي او ايم کيو ايم خپل تراميم هم وړاندې کړيدي ۔
سرچينې وائي چې د خېبر پښتونخوا نوم بدلولو د اے اين پي تجويز او د بلوچستان کښې صوبائي اسمبلۍ نشستونو سيوا کولو په تراميم حکومت نور وخت غوښتې دې، په دواړو تراميم به غور کولو وروستو سبا حتمي فيصله کولې شي ۔
سرچينې دا هم وائي چې د آئين آرټيکل دوه سوه درې څلويښتم باندې تفصيلي مشاورت وروستو منظوري ورکړې شوېده، مشترکه پارليماني کميټي د آئيني عدالتونو قائمولو شق منظوري هم ورکړېده، زير التوا مقدماتو فيصلو موده شپږ مياشتو نه يوکال کولو تراميم منظور کړې شوېدې ۔
